جاسوسپىرىمدەردى دۇرىس تاماقتاندىرۋعا ارنالعان سيمپوزيۋم باستالدى

ەلىمىزدە 2018 جىلدان باستاپ مەكتەپ وقۋشىلارىنىڭ تاماقتانۋ راتسيونى بويىنشا بىرىڭعاي ستاندارتتار ەنگىزىلدى. وقۋ ورىندارىندا ء تاتتى جانە گازدالعان سۋسىنداردى ساتۋعا تىيىم سالىنعان. اس تۇزىن يودتاۋ, ۇن جانە باسقا دا بىرقاتار ازىق-ت ۇلىكتى مينەرالدى-دارۋمەنمەن بايىتۋعا قاتىستى جۇمىستار جۇرگىزىلۋدە. ال ءىرى ساۋدا ورتالىقتارىندا  «دۇرىس تاماقتانۋعا ارنالعان ازىق-ت ۇلىك» سورەلەرى اشىلدى. 

اۋرۋدىڭ الدىن الۋ ماقساتىندا 2018 جىلعى مەديتسينالىق-سانيتاريالىق العاشقى كومەك بويىنشا استانا دەكلاراتسياسى قابىلداندى. پروفيلاكتيكاعا نەگىزدەلگەن قۇجات - قوعامدىق دەنساۋلىق ساقتاۋ سالاسىنىڭ وزەگى.

2019 جىلى قازاقستاندا قوعامدىق دەنساۋلىق ساقتاۋ جانە مەديتسينالىق-سانيتاريالىق العاشقى كومەككە بولىنەتىن قارجى 60%-عا ارتادى. ارنايى زاڭ جوباسى قازىر دايىندالۋدا. «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە دۇرىس تاماقتانۋعا قاتىستى وزگەرىستەر  ەنگىزىپ, ءساۋىردىڭ سوڭىنا دەيىن ۇكىمەتتىڭ قاراۋىنا جىبەرىلەدى.

ەلىمىزدە وندىرۋشىلەرگە نان-توقاش ونىمدەرىندەگى تۇزدىڭ مولشەرىن ازايتۋ تۋرالى تالاپ قويىلدى.  ماماندار 1 كەلى  ۇنعا  2 گراممنان ارتىق تۇز قوسىلماسىن دەگەن توقتامعا كەلدى.  ەندى ءسۇت ونىمدەرىندەگى قانت مولشەرىن ازايتۋ قولعا الىنادى.

سيمپوزيۋمدا  بالالاردىڭ تاماقتانۋ راتسيونى, مەكتەپتەگى تاماقتانۋ جۇيەسى, مەكتەپكە دەيىنگى مەكەمەلەردەگى ازىق-ت ۇلىك ساپاسىن جاقسارتۋ سىندى  ماسەلەلەر تالقىلاندى.

جيىنعا قازاقستان, وزبەكستان, تاجىكستان, تۇركىمەنستان, قىرعىستان, ارمەنيا, گرۋزيا جانە ءازىربايجان پارلامەنتىنىڭ دەپۋتاتتارى, دەنساۋلىق ساقتاۋ, اۋىل شارۋاشىلىعى, قارجى, ءبىلىم جانە عىلىم مينيسترلىكتەرىنىڭ وكىلدەرى قاتىسۋدا.

ۇيىمداستىرۋشىلار: بۇۇ-نىڭ ازىق-ت ۇلىك جانە اۋىل شارۋاشىلىعى ۇيىمى, قر دەنساۋلىق ساقتاۋ مينيسترلىگى, قوعامدىق دەنساۋلىق ساقتاۋ ۇلتتىق ورتالىعى, بۇۇ بالالار قورى (يۋنيسەف).

يۋنيسەف پەن قازاقستان اراسىنداعى مەموراندۋم اياسىندا قر دسم قوعامدىق دەنساۋلىق ساقتاۋ ۇلتتىق ورتالىعى ەكى جىل بويى وڭىرلىك پلاتفورمانىڭ حاتشىلىعىن باسقارادى.

سيمپوزيۋم ءساۋىردىڭ 25 مەن 26 ارالىعىندا  وتەدى.