ەڭ الدىمەن جەرگىلىكتى جۋرناليستەرگە ارنالعان مەديا ساۋاتتىلىق پەن تسيفرلىك جۋرناليستيكا تاقىرىپتارىنا, سونىمەن بىرگە, ەنەرگيا تيىمدىلىلىگىن ارتتىرۋ, جەك ماسەلەلەرىن بايانداۋعا قاتىستى جۇمىستىڭ ەرەكشەلىكتەرىنە ارنالعان مەديا-ترەنينگ ۇيىمداستىرىلدى.
مەديا-ترەنينگتىڭ ماقساتى – قازاقستان رەسپۋبليكاسىنداعى ەنەرگيا ۇنەمدەۋ ساياساتىن جۇزەگە اسىرۋ جانە جەك ماسەلەلەرى بويىنشا باق وكىلدەرىنىڭ حاباردارلىعىن ارتتىرۋ. مەديا-ترەنينگ بارىسىندا قازاقستانداعى بۇۇدب ءىس-ارەكەتى, ءارى «جاسىل ەكونوميكانى» دامىتۋ, كليمات وزگەرۋى, ەنەرگەتيكالىق تۇرعىدان ءتيىمدى تەحنولوگيالاردى قولدانۋ, سونىمەن قاتار, جەك سالاسىنداعى جوبالاردى ىسكە اسىرۋ تاجىريبەلەرى جايلى كەڭ كولەمدى مالىمەت الدى. ەڭ باستى اۋديتوريا – تەلەديدار ارنالارىنىڭ, باسپا جانە ونلاين باسىلىمدارىنىڭ جۋرناليستەرى مەن بلوگەرلەر.
بۇدان باسقا, «جاسىل ەكونوميكاعا» ءوتۋدىڭ اسا ماڭىزدى باعىتتارى رەتىندە قالا شارۋاشىلىعىندا ەنەرگيا تيىمدىلىگىن ارتتىرۋ جانە جاڭارتىلاتىن ەنەرگيا كوزدەرى نىساندارىن ەنگىزۋ» تاقىرىبىندا سەمينار-كونفەرەنتسيا ءوتتى.
كونفەرەنتسيانىڭ ماقساتى – قالانىڭ كوممۋنالدىق شارۋاشىلىق سالاسىندا ەنەرگيا ۇنەمدەۋ تەحنولوگيالارىن, ءارى جاڭارتىلاتىن ەنەرگيا كوزدەرىن ەندىرۋگە كوشۋىنە ارنالعان ناقتى قادامداردى جانە ۇيىمداستىرۋشىلىق قارجىلىق قۇرالداردى كورسەتۋ.
شارا بارىسىندا ىسكە اسىرىلعان, ءارى جوسپارلانىپ جاتقان ەنەرگيا ءتيىمدى جوبالاردىڭ ناتيجەلەرى تانىستىرىلدى. سونداي-اق, ساراپشى-ماماندار ىقتيمال بوگەتتەر مەن ولاردى ەڭسەرۋ جولدارىن تالقىلاپ, ەنەرگيا ۇنەمدەيتىن تەحنولوگيالاردى جاپپاي ەندىرۋگە ارنالعان ءىس-ارەكەتتەر جوسپارىن قالىپتاستىرۋ مۇمكىندىگىنە يە بولدى.
سەمينارعا قازاقستان رەسپۋبليكاسى يندۋستريا جانە ينفراقۇرىلىمدى دامىتۋ, ەنەرگەتيكا مينيسترلىگى, بۇۇدب ساراپشى-ماماندارى, اۋدان, قالا اكىمدىكتەرى ماماندارى, كوممۋنالدىق كاسىپورىندار, باسقارۋشى كومپانيالاردىڭ وكىلدەرى, جەرگىلىكتى ينجينيرينگتىك كومپانيالار, ەنەرگەتيكالىق تۇرعىدان ءتيىمدى تەحنولوگيالاردى وندىرۋشىلەر, قوعامدىق ۇيىمدار جانە قارجىلىق مەكەمەلەرى قاتىستى.
