ال سايلاۋدىڭ مەرزىمىنەن بۇرىن ءوتكىزىلۋىنە ىشكى جانە سىرتقى ساياسي, ەكونوميكالىق جايلىلىق, تۇراقتىلىق اسەر ەتكەنى انىق. قازىر ءبىز قازاقستان ەكونوميكاسىنىڭ 2014, 2017 جىلدارداعى شيكىزات باعاسىنىڭ تومەندەۋىنەن, ەنەرگيا كوزدەرى قۇنىنىڭ قۇبىلۋىنان تۋىنداعان داعدارىستى ەڭسەرىپ, تۇراقتالعاندىعىن كورىپ وتىرمىز. بۇل ءوز كەزەگىندە ەكونوميكالىق دامۋ تۇرعىسىنان ەلدىڭ ىلگەرى سەرپىلۋىنە جول اشادى. ال 2020 جىلى جاعدايدىڭ قالاي بولارىنا جورامال جاساۋ قيىن.
سوندىقتان دا سايلاۋدى مەرزىمىنەن بۇرىن وتكىزۋ – ستراتەگيالىق ىلكىمدى قادام. ال Nur Otan پارتياسى تاراپىنان دوداعا قوسىلعان قاسىم-جومارت توقاەۆ – بىلىكتى باسقارۋشى, حالىقارالىق دارەجەدەگى كانىگى ديپلومات رەتىندە تانىلعان تۇلعا.
ءومىر جولىندا اتىن كىر شالماعان مۇنداي تۇلعانىڭ پرەزيدەنتتىك لاۋازىمعا ۇسىنىلۋى قيسىنعا كەلەتىن جانە اقىلمەن كەلىسىلگەن شەشىم بولدى دەپ ەسەپتەيمىن.
وسى ورايدا قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قازىرگى قازاقستاننىڭ نەگىزىن قالاۋشىسى رەتىندە ەلدىڭ ءارى قارايعى ستراتەگيالىق دامۋىنا جول سالىپ, وتە پاراساتتىلىق پەن دانالىقتىڭ ۇلگىسىن كورسەتكەندىگى ەرەكشە ايتىپ وتۋگە تۇرارلىق.
ارسەني سيۆيتسكي,
ستراتەگيالىق جانە سىرتقى ساياسي زەرتتەۋلەر ورتالىعىنىڭ ديرەكتورى, (بەلارۋس, مينسك)
