«ءدىن - تۇراقتىلىق كەپىلى» تاقىرىبىنداعى باسقوسۋعا قمدب توراعاسىنىڭ ورىنباسارى, نايب ءمۇفتي الاۋ ادىلباەۆ قاتىستى. ءدىن وكىلدەرىمەن كەزدەسۋ بارىسىندا يماماداردىڭ ء دىني ساۋاتتىلىق, تاجىريبە ارتتىرۋ, ماسەلەلەرى مەن وڭىردەگى ءدىني تۇراقتىلىق جايى تالقىلاندى.
«وڭىردەگى ءدىني تۇراقتىلىقتى قامتاماسىز ەتۋدە قمدب-سى قىزمەتكەرلەرىنىڭ اتقارىپ وتىرعان ءرولى زور, وبلىستاعى 67 مەشىتتە 109 ءدىني قىزمەتكەر جۇمىس جاساۋدا. ولاردىڭ جالاقى ماسەلەسى قوعامدىق قورلار مەن جەرگىلىكتى اتقارۋشى ورگانداردىڭ قولداۋىمەن شەشىلىپ وتىر. قازىرگى تاڭدا, ءدىن سالاسى ماماندارىنىڭ ساپالىق كورسەتكىشى دە ارتقان. الدىڭعى جىلدارى جوعارى ءبىلىمدى قىزمەتكەرلەر 43%-دى كورسەتسە, بۇگىندە بۇل كورسەتكىش 67%-عا ارتتى. بۇل جەرگىلىكتى اتقارۋشى ورگاندار مەن قمدب وكىلدىگىنىڭ بىرلەسە اتقارعان جۇمىستارىنىڭ ناتيجەسى»,-دەدى وبلىس اكىمى.
قمدب-نىڭ اقتوبە وبلىسى بويىنشا وكىلى, وبلىستىق ورتالىق «نۇر عاسىر» مەشىتىنىڭ باس يمامى وسپان تولەبي ءدادىل ۇلى وڭىردەگى ءدىني احۋالدىڭ تۇراقتى ەكەنىن, ءوڭىر مەشىتتەرى ءدىني قىزمەتكەرلەرمەن, يمامدارمەن تولىق قامتىلعانىن اتاپ ءوتتى.
قمدب وكىلدىگى 2018 جىلدى «يسلام جانە وتباسى» جىلى دەپ جاريالاپ, جوبا اياسىندا 624 وتباسىعا ءارتۇرلى قايىرىمدىلىق كومەك كورسەتىلگەن. 2018 جىلدىڭ 24 قىركۇيەگىندە قمدب توراعاسى, باس ءمۇفتي سەرىكباي قاجى ورازدىڭ وڭىرگە جاساعان ساپارى بارىسىندا «ۋاقىپ» قورى, اقتوبە وبلىسىنىڭ اكىمدىگى جانە قمدب اراسىنداعى ۇشجاقتى مەموراندۋمعا قول قويدى. سونىڭ اياسىندا, قىزمەتكەرلەردى تۇرعىن ۇيمەن قامتۋ, الەۋمەتتىك قولداۋ ماسەلەلەرى وڭ شەشىمىن تابۋدا. ال, بيىلعى جىلى وڭىردە باستاۋ العان «ەل ۇلەسى پاتەرگە» جوباسىنىڭ اياسىندا جەرگىلىكتى قمدب وكىلدىگىنىڭ قولداۋىمەن 2 وتباسىنا پاتەر بەرىلگەن. 2018-2019 جىلدارى اكىمدىك تاراپىنان وبلىس كولەمىندە 5 مەشىتتىڭ قۇرىلىسى جۇرەتىن بولادى. سوڭعى جارتىجىلدىقتا 2 مەشىت اشىلعان.
قمدب توراعاسىنىڭ ورىنباسارى, نايب ءمۇفتي الاۋ ادىلباەۆ اتقارىلعان جۇمىستار مەن اقتوبەلىك يمامداردىڭ بىلىكتىلىك دەڭگەيىنە جوعارى باعاسىن بەردى.
اتاپ وتەيىك, 23-ءساۋىر كۇنى جەرگىلىكتى يمامدار اتتەستاتسيا تاپسىرعان بولاتىن.
«وتكىزىلگەن اتتەستاتسيا يمامداردىڭ بىلىكتىلىگىن ارتتىرۋعا, وڭىردەگى بىلىكتى ماماندار سانىنىڭ ارتۋىنا سەپتىگىن تيگىزەدى دەگەن ويدامىن. سىزدەرگە سىناقتان ءساتتى ءوتىپ, ءدىني تۇراقتىلىقتى قامتاماسىز ەتۋدەگى قىزمەتتەرىڭىزدى جاڭا قارقىنمەن جالعاستىرىڭىزدار دەگەن تىلەگىمدى بىلدىرەمىن»-دەدى ايماق باسشىسى.
