تۇمەندە «رۋبينمەن» بولعان كەزدەسۋدىڭ الدىندا «سارىارقا» جالپى ەسەپتە 3:1 ەسەبىمەن الدا تۇرعان بولاتىن.
قوناقتار ەسەپتى جىلدام اشتى. ارتۋر سارۆاروۆتىڭ سوققان شايباسى نىساناعا ءدوپ تيگەن بولاتىن. ماتچتىڭ العاشقى 20 مينۋتتىڭ بولىگىندە ايدىن يەلەرى انتون رەحتيننىڭ كۇشىمەن جاۋاپ گول سوقتى.
ەكىنشى كەزەڭدە «سارىارقانىڭ» ويىنشىسى ەميل نۇرعاليەۆ كومانداسىن العا شىعاردى. ودان كەيىن ماتچتىڭ 43-مينۋتىندا قاراعاندىلىقتار ەسەپتى ەسەلەدى. گولدىڭ اۆتورى – ولەگ لوماكو. ال ويىننىڭ سوڭعى سەكۋندتارىندا قاقپاشىسىن التىنشى ويىنشىعا ايىرباستاعان «ءرۋبيننىڭ» بوس قاقپاسىنا ءتورتىنشى شايبانى جەرلەس حوككەيشى ماكسيم كيتسىن سوقتى.
شايبالار:
0:1 – 04:51 سارۆاروۆ
(يباتۋللين, لوماكو);
1:1 – 17:36 رەحتين (فاست);
1:2 – 21:58 نۇرعاليەۆ (رياشەنتسەۆ, جەلەزنوۆ);
1:3 – 43:04 لوماكو (سيكسنا, زيازوۆ);
1:4 – 59:19 كيتسىن (زيازوۆ).
ايتا كەتۋ كەرەك, «سارىارقانىڭ» باپكەرى لەونيد تامبيەۆ ەكى جىل قاتارىنان پەتروۆ كۋبوگىنىڭ جەڭىمپازى بولىپ وتىر. بىلتىر اقجولتاي جاتتىقتىرۋشى سانكت-پەتەربۋرگتىڭ «ديناموسىمەن» بىرگە كۋبوكتى كوككە كوتەرگەن بولاتىن.
