كۇن تارتىبىندەگى ءبىرىنشى ماسەلە «سەرگەك» جوباسىن ىسكە اسىرۋ بارىسىنا قاتىستى بولدى. بۇل تۋرالى قالا اكىمىنىڭ ورىنباسارى ماليكا بەكتۇروۆا باياندادى.
«قوعامدىق قاۋىپسىزدىك دەڭگەيىن ارتتىرۋ بويىنشا «سەرگەك» جوباسى اياسىنداعى تاپسىرمانى ورىنداۋ شەڭبەرىندە كەلەسى جۇمىستار جۇرگىزىلۋدە: رۇقسات ەتىلمەگەن قوقىس تاستايتىن جەرلەر بويىنشا اۋدان اكىمدىكتەرى 24 مەكەنجايدىڭ جيىنتىق ءتىزىمىن جىبەردى, ونىڭ 16 نىسانى رەتتەلىپ, ىسكە قوسىلدى. بەينە جازبا پوليتسيا دەپارتامەنتىنىڭ جبو-عا جانە باقىلاۋ مەن مونيتورينگ ءۇشىن اكىمدىكتىڭ اxۋالدىق ورتالىعىنا شىعارىلادى. قازىر ۆيدەونى تىكەلەي اۋدان اكىمدىكتەرىنىڭ تىنىس-تىرشىلىگىن قامتاماسىز ەتۋ بولىمدەرىنە شىعارۋ ماسەلەسى پىسىقتالۋدا», - دەدى م.بەكتۇروۆا.
قالانىڭ شەت جاعىندا نولدىك توزىمدىلىك ءپرينتسيپىن ىسكە اسىرۋ شەڭبەرىندە كوكتال-1, كوكتال-2, پريگورودنوە, يلينكا ەلدى مەكەندەرىندە ەلەكتر قۋاتى مەن ۆيدەوباقىلاۋ ورناتىلعان بارلىق جەردە قوندىرعىلاردى تەحنيكالىق تۇرعىدان ورناتۋ بويىنشا زەرتتەۋلەر جۇرگىزىلىپ, بۇرمالى ءارى بەكىتىلگەن كامەرالار ورناتىلدى.
كريمينوگەندىك اۋداندار بويىنشا قۇقىقتىق ستاتيستيكا كوميتەتىمەن بىرلەسە وتىرىپ, تىركەلگەن قىلمىستاردىڭ سانىنا وراي مەكەنجايلار بويىنشا جۇمىستار جۇرگىزىلدى. ماسەلەن, 10 ەڭ كريمينوگەندىك اۋلادا ءۇش جۇزگە جۋىق جالپى بەينەباقىلاۋ كامەرالارى ورناتىلدى.
«قالا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ ماقساتىندا مەن قالانىڭ بارلىق ماڭىزدى نىساندارىندا «سەرگەك» بەينەباقىلاۋ كامەرالارىن بەينەباقىلاۋ كامەرالارىمەن قامتىلماعان قالا تۇرعىن الاپتارى مەن كوشەلەرىندە ورناتۋدى تاپسىرعان بولاتىنمىن», - دەدى ب.سۇلتانوۆ.
ءساۋىر ايىندا پايدالانۋعا بەرىلمەگەن نىساندار بويىنشا ينجەنەرلىك جەلىلەردىڭ جۇمىس ىستەۋى, گاراجداردى بۇزۋ ماسەلەلەرى, سونداي-اق جالاڭاش سىمدار, كابەلدىڭ ءىلىنۋى سياقتى تاعى دا بىرنەشە پروبلەمالىق ماسەلە پايدا بولدى.
جىل باسىنان جالاڭاش سىمداردىڭ, كابەلدەردىڭ, ەلەكتر سىمدارىنىڭ جالعانۋى ماسەلەلەرى بويىنشا 653 ءوتىنىش كەلىپ ءتۇستى, ياعني كۇنىنە ورتا ەسەپپەن التى ءوتىنىش تۇسەدى.
«قورشالعان سىمدار, سالبىراپ جاتقان كابەلدەر, قاراۋسىز قالعان ەلەكترمەن جابدىقتاۋ نىساندارى ماسەلەسى اشىق قۇدىقتار سياقتى قالا تۇرعىندارىنىڭ ءومىرى مەن قاۋىپسىزدىگىنە قاۋىپ توندىرەدى. بۇل ءبىزدىڭ كوممۋنالدىق قىزمەتىمىزگە جانە وتىن-ەنەرگەتيكا كەشەنىن باسقارۋعا ءتان شارۋاشىلىق ەمەس», – دەدى نۇر-سۇلتان قالاسىنىڭ اكىمى.
وەك جانە كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆتىڭ ايتۋىنشا, بۇگىنگى تاڭدا قالانى ۋاقىتشا ەلەكترمەن جابدىقتاۋ سىزباسى بويىنشا (وتكىزگىش كابەلدەرى بار) 15 نىسان جابىلعان. وسى وبەكتىلەردى ەلەكترمەن جابدىقتاۋدىڭ تۇراقتى سحەماسىنا قايتا قوسۋ «استانا-اەك» اق ينۆەستيتسيالىق باعدارلاماسىنا ەنگىزىلدى.
قالا اكىمى نۇر-سۇلتان قالاسىن ەلەكترمەن قامتاماسىز ەتۋ نىساندارىن تۇگەندەۋدى جانە جۇيەدەگى كەمشىلىكتەردى جويۋدى تاپسىردى.
سونداي – اق, «1000 ورىن - كوشە ساۋداسى» باعدارلاماسىن ىسكە اسىرۋ بارىسى دا اكىم نازارىندا بولدى.
ب.سۇلتانوۆتىڭ ايتۋىنشا, كاسىپكەرلەر سىبايلاس جەمقورلىققا قارسى قىزمەتكە جانە «اتامەكەن» ۇكپ-عا اكك-مەن جاسالعان شارتتىڭ تالاپتارىنا ءجيى شاعىمدانادى, كەلىسىمشارت اكك-ءنىڭ مۇددەلەرىن قورعايدى, رۇقسات بەرۋ كەزىندە كەيدە كوممۋنيكاتسيا قىزمەتتەرىمەن, پيك-پەن, جاقىن ماڭداعى ۇيلەردىڭ تۇرعىندارىمەن, اۋدان اكىمدىكتەرىمەن جانە پوليتسيا دەپارتامەنتىمەن ساۋدا ورىندارى كەلىسىلمەيدى. سول سەبەپتى كاسىپكەرلەردە پروبلەمالار تۋىندايدى.
«بارلىق ۋچاسكەلەردە ينفراقۇرىلىم جوق: ەلەكتر, كارىز, سۋ قۇبىرى. وسى جەردەن تاماقتان ۋلانۋعا, سانيتاريانىڭ جوقتىعىنا قاتىستى تۇرعىنداردىڭ شاعىمدارى پايدا بولادى», – دەپ اتاپ ءوتتى سۇلتانوۆ.
كاسىپكەرلەر, سونداي-اق, ءوتىنىم بەرۋ تەتىگىنىڭ اشىق ەمەستىگىنە, اكك سايتىندا اقپاراتتىڭ بولماۋىنا, پايدالانۋشى ءۇشىن كۇردەلى جۇيەلىك تالاپتارعا شاعىمدانادى.
وسىعان بايلانىستى «Astana» اكك باسقارما توراعاسى رۇستەم قۋانىشباەۆقا ءتارتىپ ورناتۋ, رۇقسات بەرۋ تەتىگىن رەتتەۋ جانە شارتتىق مىندەتتەمەلەردىڭ ناقتى ورىندالۋىن قامتاماسىز ەتۋ تاپسىرىلدى. ءوز كەزەگىندە قالا اكىمىنىڭ ورىنباسارى ماليكا بەكتۇروۆاعا ساۋدا نىساندارىنا مونيتورينگ جۇرگىزۋ, سونداي-اق قوعامدىق تاماقتانۋ ورىندارىندا سانيتارلىق نورمالاردىڭ ساقتالۋىن قامتاماسىز ەتۋ جۇكتەلدى.
