بۇگىن باستاۋ العان فەستيۆال قاتىسۋشىلارىنىڭ كونتسەرتىندە تۇركىتىلدەس حالىقتارىنىڭ ەتنوفولكلورلىق انسامبلدەرى مەن ءداستۇرلى ورىنداۋشىلارى, ۇلتتىق اسپاپتا جەكە ورىنداۋشىلار ونەر كورسەتتى. سونىمەن قاتار, قازاق حالقىنىڭ ءداستۇرلى مۋزىكا ونەرى دە كورەرمەن نازارىنا ۇسىنىلدى.
كيەلى شاھاردى ءان-كۇيگە بولەگەن ايتۋلى شارا «تۇركىستان – تۇركى الەمىنىڭ بەسىگى» اتتى تۇركى كەڭەسى تۇركى ۋنيۆەرسيتەتتەر وداعىنىڭ ءىV باس اسسامبلەياسى مەن تۇركى كەڭەسى جاس كوشباسشىلارىنىڭ ءىى فورۋمى اياسىندا وبلىستىق مادەنيەت جانە تىلدەردى دامىتۋ باسقارماسى مەن ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىمەن بىرىگىپ ۇيىمداستىرىلدى.
ەتنو-ونەر فەستيۆالىنىڭ باستى ماقساتى - تۇركىتىلدەس ەلدەر اراسىنداعى باۋىرلاستىق بايلانىس پەن دوستىقتى, تۇركىلىك مادەنيەت پەن ونەردى ۇرپاقتان ۇرپاققا دارىپتەۋ, قازاق جانە تۇركىتىلدەس حالىقتاردىڭ ءداستۇرلى مۋزىكاسىن جان-جاقتى جەتكىزۋ, داۋىستىق جانە اسپاپتىق شىعارماشىلىقتىڭ وركەندەۋىنە, سيرەك ۇشىراساتىن اسپاپتاردا ورىندالاتىن جانرلاردىڭ جاڭعىرۋىنا جانە دامۋىنا, قولداۋ كورسەتۋ, ولاردىڭ ءوزارا تاجىريبە الماسۋىنا جاعداي جاساۋ جانە ءداستۇرلى ونەردى ناسيحاتتاۋ بولىپ تابىلادى.
ايتا كەتەيىك, ونەرپازداردىڭ باسىن قوسقان مەرەكەلىك كونتسەرت ەرتەڭ گالا-كونتسەرتپەن اياقتالادى.
