كورمەدە ەلباسىعا ارنالعان 150-دەن استام كىتاپتار مەن 200-دەن استام ەستەلىك ماعلۇماتتار جيىنتىعى قويىلدى.
ءىس-شارانى اشقان وبلىستىق مادەنيەت جانە تىلدەردى دامىتۋ باسقارماسىنىڭ باسشىسى نۇرداۋلەت يسابەك كورمەنىڭ ماقساتىن كەڭ كولەمدە ايتىپ وتسە, ەلباسىمەن تەمىرتاۋدا بىرگە وقىعان كۋرستاسى اسەتۋللا كاريموۆ پەن جاس اقىن مۇقاعالي كەنجەتاي ۇلى ەلدى دامۋدىڭ داڭعىل جولىنا باستاعان ەلباسىنىڭ ۇلى ىستەرىنە توقتالدى.
كورمەدە قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆتىڭ ءومىرى مەن ەڭبەك جولى, حالىق الدىندا اتقارعان قىزمەتتەرى مەن ەلىمىزدىڭ جەتىستىكتەرى كەڭ كولەمدە قامتىلعان. ولاردىڭ ىشىندە ەلباسىعا ارنالعان كىتاپتار, قىزمەتى تۋرالى قۇجاتتار, فوتوماتەريالدار جانە جەكە قولدانعان زاتتارى بار.
ءىس-شاراعا زيالى قاۋىم وكىلدەرى مەن ارداگەرلەر, ستۋدەنتتەر, مادەنيەت, ءبىلىم سالالارىنىڭ قىزمەتكەرلەرى مەن باق وكىلدەرى قاتىستى.
ونەرپاز جاستار ەلباسىنا ارنالعان اندەردى ورىنداپ, كوپشىلىكتىڭ قوشەمەتىنە بولەندى.
