وسىمەن 18-ءشى رەت ۇيىمداستىرىلعان سايىسقا قاراعاندى قالاسىنداعى 78 ءبىلىم ۇيىمىنىڭ 78 كومانداسى باق سىنادى. مارافون شارتى بويىنشا ءاربىر قاتىسۋشىعا قازاق, ورىس, اعىلشىن, ماتەماتيكا جانە الەمدى تانۋ پاندەرى بويىنشا تاپسىرمالار بەرىلدى. وقۋشىلار تاپسىرمانى 2 ساعات ىشىندە ورىنداۋعا ءتيىس بولدى.
سايىس قورىتىندىسىندا, يننۆاتسيالىق مەكتەپتەر اراسىندا 1-ورىندى جانە «جىل كومانداسى-2019» اتاعىن №38 گيمنازيانىڭ وقۋشىلارى جەڭىپ الدى.
جالپى ءبىلىم بەرۋ مەكتەپتەرى اراسىنداعى سىندا №16 ورتا مەكتەپتىڭ كومانداسى ۇزدىك شىقتى.
ال «جىل وقۋشىسى-2019» اتاعى №38 گيمنازيانىڭ وقۋشىسى ءىلياس قۋانىشبەكوۆكە بۇيىردى. ول مارافون قورىتىندىسىندا ءوزىنىڭ كومانداسىنا 56 ۇپاي اكەلگەن بولاتىن. بۇل – جىلدىڭ ەڭ ۇزدىك كورسەتكىشى.
قاراعاندى وبلىسى
