قوعام • 23 ءساۋىر، 2019

حالىق قىزمەتشىسىن تاڭدايمىز

513 رەتكورسەتىلدى

قازاق ەلى تاريحتىڭ جاڭا ءبىر سىندارلى كەزەڭىندە تۇر. الدا – پرەزيدەنت سايلاۋى! الايدا ءبىز سايلاۋ وتكىزۋ جاعىنان كەلگەندە وتە باي تاجىريبە جيناقتاعان ەلمىز. بۇدان بۇرىنعى تالاي پرەزيدەنت سايلاۋىندا قازاقستاندىق سايلاۋشىلاردىڭ بەلسەندىلىگىنە الەمنىڭ ءتۇرلى ەلدەرىنەن كەلگەن ساراپشىلار مەن باقىلاۋشىلاردىڭ ءسۇيسىنىپ قايتىپ جۇرگەنىن دە بىلەمىز.

ءوز تاڭداۋىن جاساپ جانە دە سول وزدەرىنىڭ سول تاڭداۋلى ادامى قازاقستان رەسپۋبليكاسى­نىڭ تۇڭعىش پرەزيدەنتى – ەلباسى نۇرسۇلتان نازارباەۆ ءۇشىن ءبىر اۋىزدان داۋىس بەرىپ كەلگەن قازاقستاندىقتار پرەزيدەنت سايلاۋى كەزىندە ەشقاشان جاڭىلىپ كورگەن ەمەس-ءتى. سايلاۋدا ۇيىم­شىل­دىق كورسەتۋدىڭ ناتيجە­سىن­دە جانە ەلباسىنىڭ ارقا­سىندا قازاقستان تۇراقتى دامىدى، الەمنىڭ ابىرويلى مەملە­كەت­تەرىنىڭ قاتارىنا بارىپ تۇردى. سول ويىمىزدى كەزىندە «نازار­باەۆى بار قازاقستان سەنىممەن تۇراقتى داميتىن ەل! نازارباەۆى بار قوعام الاڭسىز ءومىر سۇرەتىن قوعام!» دەپ ايتىپ تا، جازعان دا بولاتىنبىز.
قازىر الەم نازارى – ءبىز­دىڭ ەلى­مىزدە. بيلىكتىڭ ءوز ەركىمەن اۋىسۋى جانە ودان قالدى الداعى سايلاۋ بار، سونىڭ بارلىعى سىن كوزدەردى كوبەيتىپ وتىرعانى دا انىق. بۇل ەلدى ەندى كىم بيلەر ەكەن، بۇل ەلدىڭ جاعدايى ەندى قا­لاي بولار ەكەن، بۇل ەل قاي جولمەن جۇرەر ەكەن، ەندى قالاي داميدى ەكەن دەگەن سىڭايداعى باقىلاۋلار كوپ قازىر. بۇل زاڭدى قۇبىلىس. 
الايدا زاڭدى قۇبىلىس بول­عانى­مەن، تۇتاس ەلدىككە سىن. وسى ورايدا ەجەلگى ەل بىرلىگى مەن ەل تى­­نىش­تىعى ارقايسىمىزدىڭ ۇستا­نار قاعيدامىز بولعانى ابزال. ءويت­كەنى وسى كۇندەرى الەم­نىڭ كەز­ كەلگەن مەملەكەتتەرىن بىرىكتى­رۋ­­شى كۇش پەن نيەتتەن گورى، ءبۇل­دىر­­گىسى كەلىپ جۇرگەن كۇشتەر­دىڭ بەل­­سەن­­دىلىگى ارتىپ، شاتاق، قاق­تىعىس ءىز­دەپ جانىعىپ جۇرگەندەر كوبەيدى.
تۇراقسىزدىقتىڭ وزىنەن پايدا تابۋعا شەبەرلەنىپ، ماشىقتانىپ العاندار دا تابىلادى. دۇنيەنىڭ انا جەرىنەن ءبىر، مىنا جەرىنەن ءبىر وت قويىپ وتىرعان كەيبىرەۋلەرگە قازاق ەلىنىڭ تۇراقتىلىعى مەن تىنىش­تىعىنىڭ دا ۇناماي­تىن­دىعىن دا بىلە وتىرايىق. مىنە، وسى تۇرعىدان كەلگەندە قازىر­گى سىن ساعاتتا قازاقستاندىق قوعام­نىڭ مەيلىنشە ىنتىماعى مەن تۇسىنىستىگى قاجەت. قازىرگى اڭگى­مە بۇل جولى پرەزيدەنتتىككە كىم­دى تاڭدايمىز، كىمدى سايلاي­مىز بولىپ تۇر. ەندىگى ەل تاعدى­رى سول ءوزىمىز سايلايتىن ءوز پرەزي­دەنتىمىزگە بايلانىستى بولماق­شى. قازاقستاندىقتار سول ءۇشىن الاڭداپ وتىرعان سىڭايلى.
قازاقستان رەسپۋبليكاسىنىڭ پرە­زي­دەنتى قاسىم-جومارت توقاەۆ 2019 جىلدىڭ 9 ماۋسىمىن­دا كەزەكتەن تىس سايلاۋ وتكىزۋ جايلى ۇندەۋىندە تۇڭعىش پرە­زي­دەنت – ەلباسى نۇرسۇلتان نازار­باەۆ سالىپ بەرگەن سارا جولىنان اينىمايتىندىعىن مالىمدەدى. بۇل تۇراقتىلىقتىڭ باستى كەپىلى. جانە دە پرەزيدەنت ءوز ءمالىم­دەمەسىندە سايلاۋدىڭ ءادىل وتۋىنە كەپىلدىك بەردى. بۇل دا ەل بىرلىگىن ساقتاپ تۇرۋدىڭ التىن كىلتى.
ەل ورتاسىندا جۇرگەندىكتەن ءوز باسىڭىز «بولاشاقتا كىم پرە­زيدەنت بولعانىن قالار ەدى­­ڭىز؟» دەپ سۇراپ جاتقاندار دا بار. پرە­­زي­دەنتتىكتەن ۇمىتكەرلەر تىركەل­گەننەن كەيىن ايتارمىن مۇنى. الايدا، ۇلتتىق مۇددەنى ءبارى­نەن دە بيىك قوياتىن، قوعامدا ادىلەت­تىلىك پەن زاڭ ۇستەمدىگىن نىعايتا الا­تىن، سىبايلاس جەمقور­لىق­تىڭ بەتىن قايتارا الاتىن، جەر­شىل­دىك پەن رۋشىلدىقتان ادا، كوزبوياۋ­شىلىقتى، بوس داڭعازالىق پەن ىسىراپشىلىقتى رەتتەپ، تىيا الاتىن، ەلدىڭ جايىن، حالىق­تىڭ جاعدايىن جاقسارتۋعا بار ءمۇم­كىندىكتى ىسكە قوسا الاتىن، ەل باي­لىعىن جالپىعا ورتاق يگى­لىك ەتە الاتىن پرەزيدەنتتىكتەن ءۇمىت­كەر ءۇشىن داۋىس بەرەر ەدىم. جانە دە ەندىگى پرەزيدەنتتىكتەن ءۇمىت­كەر­لەردىڭ ارقايسىسى حالىقتىڭ قىزمەتشىسى بولامىن دەگەن ويمەن داۋىسقا تۇسكەنىن قالار ەدىم.

جابال ەرعاليەۆ، 
جازۋشى-دراماتۋرگ، قازاقستاننىڭ ەڭبەك سىڭىرگەن قايراتكەرى، كوكشەتاۋ قالاسىنىڭ قۇرمەتتى ازاماتى

كوكشەتاۋ

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار