وعان ەلىمىزدىڭ باتىس بولىگىندەگى جوعارى وقۋ ورىننىڭ ستۋدەنتتەرى مەن پروفەسسور-وقىتۋشىلار قۇرامى جانە اقتوبە وبلىستىق جاستار ساياساتى باسقارماسىنىڭ وكىلدەرى قاتىستى. ەڭ الدىمەن وسى ءىس-شارانىڭ باستى مودەراتورى, باتىس قازاقستان مەملەكەتتىك مەديتسينا ۋنيۆەرسيتەتىنىڭ اعا وقىتۋشىسى بەكزات مولدين مەملەكەتتىڭ ودان ءارى دامۋى ساتىسىندا پرەزيدەنت سايلاۋىنىڭ اتقاراتىن ءرولى جوعارى ەكەنىن اتاپ ءوتتى.
بۇدان ءارى ول ءوزىنىڭ بۇعان دەيىنگى جوعارى وقۋ ورىنداعى ءىس-تاجىريبەسىنەن ناقتى مىسالدار كەلتىرە كەلىپ, قاي كەزدە دە ستۋدەنتتەر مەن جاستاردىڭ سايلاۋعا دەگەن قىزىعۋشىلىعى مەن بەلسەندىلىگى جوعارى بولىپ كەلگەنىن العا تارتتى. اتاپ وتەرلىك ماسەلە دوڭگەلەك ۇستەلگە قاتىسۋشىلاردىڭ باسىم بولىگى ءبىرىنشى كۋرس ستۋدەنتتەرى ەكەندىگى دە ونىڭ باستى ەرەكشەلىگى دەۋگە بولادى. سونىڭ ىشىندە ماليكا ورىنوۆا مەن دامير جولداسباەۆ سەكىلدى ءبىرىنشى كۋرسكتىكتار مەملەكەت تاعدىرىنا تىكەلەي اسەر ەتەتىن سايلاۋعا تۇڭعىش رەت قاتىسقالى وتىرعانىن ايتا كەلىپ وعان سىرتتاي باقىلاۋشى بولماي تىكەلەي ارالاسۋ ءتول پارىزدارى ەكەنىن جەتكىزدى. ولاردىڭ مۇنداي ويلى پىكىرلەرى وزگە دە دوڭگەلەك ۇستەلگە قاتىسشۋلار تاراپىنان قولداۋ تاپتى. سونداي-اق فيلوسوفيا عىلىمىنىڭ دوكتورى, پروفەسسور التاي تايجانوۆ ءتيىستى زاڭ تالاپتارىنا سايكەس كەز كەلگەن رەسپۋبليكا ازاماتىنىڭ پرەزيدەنت سايلاۋىنا قاتىسىپ ءوز ەركى مەن تاڭداۋىن بىلدىرە الۋى, ءوزىن تولعاندىرعان ماسەلەلەردى جوعارى مەملەكەتتىك ورگاندارعا جەتكىزە ءبىلۋى مەملەكەتتىڭ دەموكراتيالىق تۇرپاتىنا سايكەس كەلەدى دەگەن وي قورىتتى.
دوڭگەلەك ۇستەل ءماجىلىسى كەزىندە ورتاعا: ءسىز كىمگە داۋىس بەرەسىز ؟ دەگەن ساۋال تاستالىپ وعان ورنىقتى دا تۇجىرىمدى جاۋاپتار قايتارىلدى. بۇل رەتتە ءاربىر سايلاۋشىنىڭ پرەزيدەنتتىككە كانديداتتاردىڭ سايلاۋالدى باعدارلامارمەن تانىسۋىنا تولىق مۇمكىندىكتەرى بار. سوعان سايكەس ءار ازامات ءوز تاڭداۋىن جاساي الادى. ارينە مۇنداي جاعدايدا باستى باسىمدىق ەل مەن حالىق مۇددەسىن قورعاي الاتىن كانديداتتار مەن تۇلعالارعا بەرىلەتىنى تالاس تۋعىزبايدى.
م.وسپانوۆ اتىنداعى اقتوبە مەملەكەتتىك مەديتسينا ۋنيۆەرسيتەتىندە ۇيىمداستىرىلعان دوڭگەلەك ۇستەلدە ايتىلعان باستى تۇجىرىمداردىڭ ءبىرى وسىنداي. سايلاۋعا قاتىسۋ – اركىمنىڭ ءوز ەركى, ءوز كونستيتۋتسيالىق قۇقىعى. مۇنى ەشكىم جارلىقپەن نەمەسە دەكرەتپەن بەكىتە المايدى. قالاي دەگەندە دە قازىرگى كەزدە قازاقستاندىقتاردىڭ ەڭ لايىقتى تۇلعالارعا داۋىس بەرۋى وتە ماڭىزدى بولىپ قالا بەرەدى دەگەن ءتۇيىن جاسالدى دوڭگەلەك ۇستەل قورىتىندىسىندا.
اقتوبە
