سپورت • 22 ءساۋىر, 2019

ءۇش دزيۋدوشىمىز قولا مەدال ءۇشىن تالاسۋدا

541 رەت
كورسەتىلدى
1 مين
وقۋ ءۇشىن

بىرىككەن ارابتار امىرلىگىنىڭ فۋدجەيرا قالاسىندا ءوتىپ جاتقان ازيا چەمپيوناتىنىڭ سوڭعى جارىس كۇنىندە بىرنەشە جەرلەسىمىز تاتاميگە شىعىپ, سولاردىڭ ۇشەۋى قولا مەدال ءۇشىن تالاسۋ مۇمكىندىگىن ساقتاپ قالدى.

90 كيلو سالماقتاعى يسلام بوزباەۆ باستاپقى باسەكەلەرىندە تايپەي مەن قىرعىزستاننىڭ سپورتشىلارىن ايقىن ۇتقانىمەن, جارتىلاي فينالدا ازيانىڭ ەكى دۇركىن چەمپيونى, ازيا ويىندارىنىڭ قولا جۇلدەگەرى, تاجىكستاندىق كومرونشاح ۋستوپيرەننان جەڭىلىپ قالدى. ەندى ول قولا مەدال ءۇشىن وڭتۇستىك كورەيانىڭ وعلانى گۆاك دونحانمەن كۇش سىناسادى.

78 كيلو سالماقتاعى زارينا رايفوۆا تايپەي بالۋانىنان باسىم ءتۇسىپ, جاپون قىزىنان ۇتىلدى. ەندى جەرلەسىمىز وڭتۇستىكورەيالىق يۋن حيۋدجيمەن بەلدەسەدى. +78 كيلو سالماقتاعى گۇلجان يسانوۆانىڭ دا جەڭىس تۇعىرىنا كوتەرىلۋگە مۇمكىندىگى بار. قىتاي دزيۋدوشىسىنان ۇتىلىپ, ءۇندىستاننىڭ سپورتشىسىنا سان سوقتىرعان ول ءۇشىنشى ورىن ءۇشىن باسەكەدە اسپاناستى ەلىنىڭ تاعى ءبىر وكىلى ۆانگ يانمەن كۇرەسەدى.


سوڭعى جاڭالىقتار