وسى ورايدا, «Nur Otan» پارتياسى جامبىل وبلىستىق فيليالىنىڭ عيماراتىندا «حالىققا كومەك» بىرىڭعاي الەۋمەتتىك تەرەزە پارتيالىق جوباسى اياسىندا قوعامدىق قابىلداۋ ءوتتى. ازاماتتاردىڭ كۇندەلىكتى ماسەلەلەرىن شەشۋگە كومەك كورسەتۋدى جانە حالىقتىڭ بارلىق توپتارىنىڭ مۇددەلەرىن قولداۋدى ماقسات ەتكەن جوباعا ءتۇرلى ماسەلەلەر بويىنشا بىرقاتار ءوڭىر تۇرعىندارى قاتىسىپ, كوكەيلەرىندەگى ساۋالدارىن جولدادى.
قوعامدىق قابىلداۋدى پارتيا وبلىستىق جانە تاراز قالالىق ماسليحاتىنداعى دەپۋتاتتىق فراكتسياسىنىڭ مۇشەلەرى گۇلدارا نۇرىموۆا, باقىتجان سەيىتكارىموۆ, گۋلام ۋماروۆ, يۋري ميناكوۆ جانە جانار بۇركىتباەۆالار جۇرگىزدى. قابىلداۋعا 25 ازامات كەلىپ, ولارعا بەرگەن ساۋالدارىنا بايلانىستى شەشىلۋ جولدارى ءتۇسىندىرىلدى. ناتيجەسىندە 2 ءوتىنىش وڭ شەشىمىن تاۋىپ, جوبا بويىنشا 3 ناقتى مىندەت ايقىندالدى. نەگىزىنەن ازاماتتىق الۋ, جۇمىسقا ورنالاسۋ سياقتى ماسەلەلەرمەن كەلگەن تۇرعىنداردىڭ ماسەلەسى قوعامدىق قابىلداۋ بارىسىندا وڭ شەشىمىن تاپتى. سونىمەن قاتار, بىرقاتار تۇرعىندار بالالارىن بالاباقشاعا ورنالاستىرۋ ماسەلەسى بويىنشا دا ناقتى ناتيجەگە قول جەتكىزدى. ال, قابىلداۋدى وتكىزۋشىلەر حالىقپەن ءتيىمدى تىعىز بايلانىس قالىپتاستىرۋ ارقىلى ازاماتتاردىڭ ءتۇرلى ماسەلەلەرىن شەشۋگە قوعامنىڭ بەلسەندى بولىگىن تارتۋ كوزدەلۋدە ەكەنىن دە ايتتى.
جامبىل وبلىسى
