قاراعاندى وبلىسىنداعى شاحتينسك قالاسىندا بولعان ءورت كەزىندە №25 ءورت ءسوندىرۋ ءبولىمىنىڭ قىزمەتكەرلەرى 3 ادامنىڭ ءومىرىن اجال اۋزىنان قۇتقارىپ قالدى.
قۇتقارۋ وپەراتسياسى بارىسىندا لەيتەنانت ەرنۇر جۇماجاننىڭ جاساعى كوزگە ءتۇستى. جەكە قۇرامنىڭ شۇعىل ءىس-ارەكەتىنىڭ ارقاسىندا ەكىنشى قاباتتاعى ورتكە ورانعان پاتەر ىشىندە قالىپ قويعان ءۇش ادامدى بالكون ارقىلى قۇتقارىپ الۋ مۇمكىن بولدى.
ازاماتتىق قورعانىس لەيتانانتى ەرنۇر جۇماجان اسكەري مىندەتتى تابىستى ورىنداپ, جەكە قۇرامعا جەتەكشىلىك ەتۋ كەزىندە كاسىبي بىلىكتىلىك تانىتقانى ءۇشىن قاراعاندى وبلىستىق توتەنشە جاعدايلار قىزمەتى باسشىسىنىڭ العىس حاتىمەن ماراپاتتالدى.
