باپتارى جاقسى-اۋ
بەيسەنبى, 28 ماۋسىم 2012 7:11
ءدۇبىر
وليمپياداعا 29 كۇن قالدى
باپتارى جاقسى-اۋ
ال باقتارى قالاي بولار ەكەن؟
ءتورت جىلدا ءبىر اينالىپ كەلەتىن جازعى وليمپيا ويىندارىنىڭ باستالۋىنا دا كوپ ۋاقىت قالعان جوق. قازاقتار: «تويدىڭ بولعانىنان بولادىسى قىزىق» دەيدى. ءسىرا دا تاۋىپ ايتقان. قازىر دۇنيەجۇزى حالقى لوندونعا تەلمىرە كوز تىگىپ, تەك وليمپيادا تىنىسىمەن دەمالىپ وتىر. ويتكەنى, وليمپيادا – جۇزدەن جۇيرىك, مىڭنان تۇلپار شىعاتىن الامان دودا. ون رەت الەم چەمپيونى بولعانشا, ءبىر رەت وليمپيادا چەمپيونى بولۋ – ءار سپورتشىنىڭ ارمانى.
بەيسەنبى, 28 ماۋسىم 2012 7:11
ءدۇبىر
وليمپياداعا 29 كۇن قالدى
باپتارى جاقسى-اۋ
ال باقتارى قالاي بولار ەكەن؟
ءتورت جىلدا ءبىر اينالىپ كەلەتىن جازعى وليمپيا ويىندارىنىڭ باستالۋىنا دا كوپ ۋاقىت قالعان جوق. قازاقتار: «تويدىڭ بولعانىنان بولادىسى قىزىق» دەيدى. ءسىرا دا تاۋىپ ايتقان. قازىر دۇنيەجۇزى حالقى لوندونعا تەلمىرە كوز تىگىپ, تەك وليمپيادا تىنىسىمەن دەمالىپ وتىر. ويتكەنى, وليمپيادا – جۇزدەن جۇيرىك, مىڭنان تۇلپار شىعاتىن الامان دودا. ون رەت الەم چەمپيونى بولعانشا, ءبىر رەت وليمپيادا چەمپيونى بولۋ – ءار سپورتشىنىڭ ارمانى.
قازاقستان قۇراماسى ساپىندا ەل نامىسىن قورعايتىن باتىس قازاقستان سپورتشىلارى دا ءتاستۇيىن دايىن. وسىدان ءتورت جىل بۇرىن بولعان بەيجىڭ وليمپياداسىنا باتىس قازاقستان وبلىسىنان ءتورت-اق سپورتشى قاتىسقان بولاتىن. بۇل جولى ەل نامىسىن باتىسقازاقستاندىق التى سپورتشى قورعاماقشى. دەمەك, بۇل – وبلىس سپورتىنىڭ العا جىلجىعانىنىڭ بەلگىسى.
راس, وبلىس سپورتىنىڭ باسشىسى ءمۇسىلىم وڭداعانوۆ سپورتتىڭ قاي تۇرىنەن بولماسىن سپورتشىعا بارلىق جاعدايدى جاساۋدان جالىققان ەمەس. سوندىقتان دا ءبىزدىڭ سپورتشىلاردىڭ الدى امەريكاعا بارىپ كۇشتەرىن سىناۋدا.
1982-ءشى جىلى رەسەيدە دۇنيەگە كەلگەن قازاقستان رەسپۋبليكاسىنىڭ ەڭبەك سىڭىرگەن سپورت شەبەرى تايمۇراز تيگيەۆ 2006-شى جىلدان بەرى كەلىسىم-شارت بويىنشا وبلىسىمىزدىڭ نامىسىن قورعاۋدا. 2008-ءشى جىلى وتكەن بەيجىڭ وليمپياداسىنىڭ كۇمىس جۇلدەگەرى. بۇل جولعى وليمپياداعا جولدامانى بىلتىر قىركۇيەك ايىندا ءتۇركيانىڭ ىستامبۇل قالاسىندا وتكەن الەم چەمپيوناتىندا ۇتىپ الدى. وسى بىرىنشىلىكتە تاعى ءبىر جەرلەسىمىز, ءوزى 1983-ءشى جىلى رەسەيدىڭ داعىستان ەلىندە ءدۇنيەگە كەلسە دە, 2006-شى جىلدان بەرى وبلىسىمىزدىڭ نامىسىن تۋ قىلىپ توبەسىنە كوتەرىپ جۇرگەن, قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى ابدۋلحاكيم شاپيەۆ تە وليمپيادا جولداماسىن جەڭىپ الدى. ەكەۋى دە ەركىن كۇرەس شەبەرلەرى.
كەلىسىم-شارتپەن بىلتىردان بەرى وبلىسىمىز اتىنان سىنعا ءتۇسىپ جۇرگەن تاعى ءبىر دانيال گادجيەۆ دەگەن باۋىرىمىز بيىلعى جىلدىڭ ءساۋىر ايىندا استانادا وتكەن گرەك-ريم كۇرەسىنەن ليتسەنزيالىق ازيا چەمپيوناتىندا وليمپيادا جولداماسىن جانقالتاسىنا سالدى. 1986-شى جىلى دۇنيەگە كەلگەن دانيال بيىل تۇركيادا وتكەن حالىقارالىق ءتۋرنيردىڭ جۇلدەگەرى, قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.
نەگىزى, «بوتەن ەلدىڭ بالاسى, قاشانعى جۇرەر دەيسىڭ» دەپ, ولارعا ۇركە قاراۋدىڭ ءجونى جوق. بوتەن بولسا دا, بىرىنشىدەن, وبلىس سپورتىنا قانشاما اتاق-ابىروي اكەلدى. سوسىن, وسىلارعا ەلىكتەپ قانشا قازاق بالاسى سپورتقا تارتىلدى دەسەڭشى. قالاي دەسەك تە, وبلىس سپورتىنىڭ باعىنا تۋعان بۇلار ناندارىن ادال جەپ ءجۇر.
وليمپيادا جولداماسىن قانجىعالارىنا بايلاعان قالعان ۇشەۋى ءوزىمىزدىڭ ءتول تۋمالارىمىز. 1989-شى جىلى ورال قالاسىندا دۇنيەگە كەلگەن سپورت شەبەرى گەورگي شەيكو سپورتتىق جۇرىستەن بىلتىرعى ەل چەمپيوناتىنىڭ كۇمىس جۇلدەگەرى, ءىىى-ءشى جازعى سپارتاكياداسىنىڭ قولا جۇلدەگەرى. بيىل اقپان ايىندا ماسكەۋ قالاسىندا وتكەن اشىق چەمپيوناتتا وليمپيادا ليتسەنزياسىنىڭ تولىققاندى يەسى اتاندى.
1984-ءشى جىلى ورال قالاسىندا دۇنيەگە كەلگەن الەكسەي دەرگۋنوۆ بايداركا مەن كانوە ەسۋدەن حالىقارالىق دارەجەدەگى سپورت شەبەرى. سپورتتىڭ وسى تۇرىمەن 1996-شى جىلدان باستاپ اينالىسا باستاعان الەكسەيدىڭ العان اسۋلارى دا ءبىر توبە. 2000-2012-ءشى جىلدارعى قازاقستان چەمپيونى جانە جۇلدەگەرى, 2002-ءشى جىلى جاسوسپىرىمدەر اراسىنداعى ازيا چەمپيونى, 2009-شى جىلى قازاقستاننىڭ ابسوليۋتتى چەمپيونى, 2007-2011-ءشى جىلدار قر حالىق سپارتاكيادالارىنىڭ چەمپيونى, 2007-2011-ءشى جىلدارعى ازيا چەمپيوناتىنىڭ چەمپيونى جانە ءجۇلدەگەرى, 2010-شى جىل قىتايدا وتكەن ازيا ويىندارىنىڭ كۇمىس جۇلدەگەرى, 2008-ءشى جىلى بەيجىڭ وليمپياداسىنا قاتىسۋشى. لوندون وليمپياداسىنا جولدامانى تەگەراندا وتكەن ازيا چەمپيوناتىندا جەڭىپ الدى.
1989-شى جىلى ورال قالاسىندا دۇنيەگە كەلگەن حالىقارالىق ءدارەجەدەگى سپورت شەبەرى اناستاسيا باننوۆا بىلتىر يران ەلىندە وتكەن ازيا چەمپيوناتىنىڭ جانە ءىىى-ءشى جازعى سپارتاكياداسىنىڭ چەمپيونى. بيىل ماۋسىم ايىندا اقش-تىڭ وگدان قالاسىندا وتكەن الەم كۋبوگىنا قاتىسىپ, وليمپياداعا قاتىسۋ قۇقىعىنا تولىق يە بولدى.
بولە-جاراتىن ەشتەڭەسى جوق, ءدۇبىرلى دوداعا قاتىسقالى وتىرعان بارلىق دۇلدۇلدەرىمىز جۇلدەلى ورىندارعا ىلىگەدى دەگەن ۇمىتتەمىز. ونىڭ ءۇستىنە تايمۇراز بەن الەكسەي وليمپيادا كۇلشەسىنىڭ ءدامىن تاتقاندار ەكەنىن ەسكەرسەك, جۇلدەگە جارتى ادىم بولسا دا جاقىنداي تۇسكەندەيمىز.
تالعات بايسارين,
قازاقستان جۋرناليستەر وداعىنىڭ مۇشەسى.
باتىس قازاقستان وبلىسى.
