ىنتىماقتاستىق جونىندەگى مەموراندۋم

جەتىسۋ جۇرتشىلىعىنىڭ “كوگىلدىر وتىن” يگىلىگىن پايدالانۋى شەشىمىن تاۋىپ, قازىرگى كەزدە ىلە, تالعار, قارا­ساي, جامبىل اۋداندارىنا قاراستى 33 ەلدى مەكەن تابيعي گازدى پايدالانىپ وتىر. يگىلىكتى ءىستى ودان ءارى جال­عاستىرۋ ماقساتىندا وسىدان ءبىراز جىل بۇرىن باستالعان وبلىس اكىمدىگى مەن “قازترانسگاز” اق اراسىندا ءوڭىردى گازداندىرۋعا بايلانىستى ءوزارا ىنتىماقتاستىق جونىندەگى مەموراندۋمعا قول قويىلىپ, 1,5 ملرد. تەڭگەدەن استام قارجى يگەرىلگەن ەكەن. وتكەن جىلى جالپى ۇزىندىعى 1300 شاقىرىم بولاتىن “قازاقستان-قىتاي” حالىقارالىق گاز قۇبىرىنىڭ وبلىس اۋماعى ارقىلى 450 شاقىرىمىنىڭ ءوتۋى ناتيجەسىندە گازداندىرۋ دەڭگەيى ەداۋىر ارتىپ, ەڭبەكشىقازاق, ۇيعىر, پانفيلوۆ اۋداندارىنىڭ تۇرعىندارىنا “كوگىلدىر وتىن” جەتكىزۋ جۇمىسى باستالدى. اعىمداعى جىلى “قازترانس­گاز” ەلدى مەكەندەردى گازداندىرۋعا 650 ملن. تەڭگە بولەتىن بولىپ وتىر. وسىعان بايلانىستى وبلىس اكىمى سەرىك ۇمبەتوۆ پەن جوعارىداعى اكتسيونەرلىك قوعام ديرەكتورى سەرىك سۇلتانعاليەۆ وسى جۇمىستاردىڭ تياناعىن كەلتى­رۋدەگى ءوزارا ىنتىماقتاستىق جونىندەگى كەزەكتى مەموران­دۋمعا قول قويىپ, ەكى جاققا ءتيىمدى شاراعا دەگەن سەنىمدى بەكىتە ءتۇستى. –قوعامنىڭ دامۋى حالىقتىڭ الەۋمەتتىك-تۇرمىستىق جاعدايىن جاقسارتۋ, جەڭىلدەتۋمەن ولشەنەدى. بۇگىن ءوڭىر حالقى ءۇشىن ەستە قالاتىن كۇن. بۇدان ءتورت جىل بۇرىن الماتى وبلىسىنداعى تابيعي گازدى تۇتىنۋ 5 پايىزدى عانا قامتىسا, سوڭعى جىلدارى ول ەداۋىر كوتەرىلدى. اعىمداعى جىلى تالدىقورعان قالاسى مەن ايماقتى گازداندىرۋدىڭ تەحنيكالىق-ەكونوميكالىق نەگىزدەمەسى جاسالادى. بۇگىن اكتسيونەرلىك قوعام باسشىسىمەن الداعى اتقارىلاتىن جۇمىستارعا وراي مەموراندۋمعا قول قويىلدى, دەدى وبلىس اكىمى سەرىك ۇمبەتوۆ جينالعاندار الدىندا. مەموراندۋمدا الدىن الا ەسەپتەۋ بويىنشا ديامەترى 500 مم. بولاتىن “الماتى-تالدىقورعان” ماگيسترالدى گاز قۇبىرى 225 شاقىرىمعا سوزىلاتىنى جانە 25,0 ملرد. تەڭگەگە جۋىق قاراجات سالۋدى قاجەت ەتەتىنى دە ءسوز بولدى. بۇل جىلىنا تالدىقورعان وڭىرىنە 500 ملن. تەكشە مەتر گاز تاسىمالداناتىنىن كورسەتەدى. دەمەك, قالالىقتاردىڭ دا سۇرانىسى قاناعاتتاندىرىلاتىن كۇن جاقىن. كۇمىسجان بايجان, الماتى وبلىسى.