توتەنشە جاعداي ەنگىزىلدى
جۇما, 28 جەلتوقسان 2012 7:16
سارسەنبى كۇنى قالادا ءبىر كۇنگە توتەنشە جاعداي ەنگىزىلدى. وعان قالا كوشەلەرىنە قاردىڭ ادەتتەگىدەن قالىڭ ءتۇسۋى مەن الاي-دۇلەي بۇرقاسىن سەبەپ بولدى.
سونىڭ سالدارىنان قالا كوشەلەرىندە اۆتوكولىكتەر تۇگىلى جاياۋ جۇرگىنشىلەردىڭ ءجۇرىپ, تۇرۋى قيىنعا اينالدى. سولايشا تۇرعىندار جۇمىس ورنىنا جەتە الماي جاتتى. مەكتەپتەردە, ءارينە ساباق وتكىزىلگەن جوق. قىزمەتتەگىلەردىڭ وزىنە ۇيلەرىنە جۇمىستان ءبىر ساعات ەرتە قايتۋعا رۇقسات بەرىلدى.
جۇما, 28 جەلتوقسان 2012 7:16
سارسەنبى كۇنى قالادا ءبىر كۇنگە توتەنشە جاعداي ەنگىزىلدى. وعان قالا كوشەلەرىنە قاردىڭ ادەتتەگىدەن قالىڭ ءتۇسۋى مەن الاي-دۇلەي بۇرقاسىن سەبەپ بولدى.
سونىڭ سالدارىنان قالا كوشەلەرىندە اۆتوكولىكتەر تۇگىلى جاياۋ جۇرگىنشىلەردىڭ ءجۇرىپ, تۇرۋى قيىنعا اينالدى. سولايشا تۇرعىندار جۇمىس ورنىنا جەتە الماي جاتتى. مەكتەپتەردە, ءارينە ساباق وتكىزىلگەن جوق. قىزمەتتەگىلەردىڭ وزىنە ۇيلەرىنە جۇمىستان ءبىر ساعات ەرتە قايتۋعا رۇقسات بەرىلدى.
وسى كۇنى قالا كوشەلەرىن قالىڭ قار باسىپ قالعانى ءوز الدىنا, كەي جەرلەردە باعاندار قۇلاپ, ەلەكتر جەلىلەرى ءۇزىلدى. سوعان وراي, قالانىڭ جاڭاسەمەي بولىگى بىرەر ساعات جارىقسىز قالدى. ورتالىق الاڭداعى الىپ تەمىر شىرشا دا قاتتى بۇرقاسىنعا توتەپ بەرە الماي بۇگىلىپ ءتۇستى. قالادان شىعاتىن جولدار جابىلىپ, اۋداندارعا كولىك قاتىناسى توقتاتىلدى. استانا باعىتىنداعى پويىز مەرزىمىنەن بىرنەشە ساعاتقا كەشىگىپ اتتاندى.وسىنداي قيىن جاعدايدا اسكەريلەردىڭ كومەگىنە سۇيەنۋگە تۋرا كەلدى.
بەيسەنبى كۇنى دەس بەرگەندە بۇرقاسىن باسىلدى. بىراق اياز قايتادان ءوز كۇشىنە ەنە باستادى. ال وتكەن جولى سارىشۇناق اياز ون كۇن بويى تۇرىپ العان ەدى. ءبىر سوزبەن ايتقاندا بيىلعى قىس بار جەرگە, ونىڭ ىشىندە سەمەيگە وڭاي ءتيىپ وتىرعان جوق. ارتىنىڭ قايىرىن بەرسىن دەيمىز دە!
داۋلەت سەيسەن ۇلى.
سەمەي.
