الاياقتاردىڭ اتتارى جۇرتشىلىققا جاريا ەتىلىپ وتىرۋى كەرەك
جۇما, 23 قاراشا 2012 7:23
كەشە ورال قالاسىندا «نۇر وتان» حدپ باتىس قازاقستان وبلىستىق فيليالىنىڭ پارتيالىق باقىلاۋ كوميسسياسى مەن جەمقورلىققا قارسى كۇرەس جونىندەگى قوعامدىق كەڭەستىڭ وتىرىسى وتكىزىلدى. وندا ايماقتاعى وسىنداي مازمۇنداعى كەڭەستىڭ توراعاسى اقسەرىك ءايتىموۆ بايانداما جاساپ, جەمقورلىققا قارسى كۇرەس جونىندەگى ىستەلگەن ىستەر مەن الدا تۇرعان مىندەتتەر جونىندە بايانداما جاسادى. بۇدان سوڭ وبلىستاعى بىرقاتار «نۇر وتان» حدپ مۇشەلەرى ءسوز الىپ, جەمقورلىقپەن كۇرەس بۇكىلحالىقتىق ءىس ەكەنىنە توقتالدى.
جۇما, 23 قاراشا 2012 7:23
كەشە ورال قالاسىندا «نۇر وتان» حدپ باتىس قازاقستان وبلىستىق فيليالىنىڭ پارتيالىق باقىلاۋ كوميسسياسى مەن جەمقورلىققا قارسى كۇرەس جونىندەگى قوعامدىق كەڭەستىڭ وتىرىسى وتكىزىلدى. وندا ايماقتاعى وسىنداي مازمۇنداعى كەڭەستىڭ توراعاسى اقسەرىك ءايتىموۆ بايانداما جاساپ, جەمقورلىققا قارسى كۇرەس جونىندەگى ىستەلگەن ىستەر مەن الدا تۇرعان مىندەتتەر جونىندە بايانداما جاسادى. بۇدان سوڭ وبلىستاعى بىرقاتار «نۇر وتان» حدپ مۇشەلەرى ءسوز الىپ, جەمقورلىقپەن كۇرەس بۇكىلحالىقتىق ءىس ەكەنىنە توقتالدى.
فورۋمدا پارلامەنت سەناتىنىڭ دەپۋتاتى, «نۇر وتان» حدپ جەمقورلىققا قارسى كۇرەس ءجونىندەگى قوعامدىق كەڭەستىڭ ءتوراعاسى ورالباي ابدىكارىموۆ ءتومەندەگىدەي ماسەلەلەرگە توقتالدى.
الدىڭعى جىلدارمەن سالىستىرا قاراعاندا, قازاقستاندىق قوعامدا سىبايلاس جەمقورلىقپەن كۇرەس كۇشەيىپ كەلەدى. ونىڭ باستى كورىنىسى جەمقورلىق سيپاتتاعى قىلمىستاردىڭ كوبىرەك اشىلعانى دەۋگە بولادى. وسىنىڭ الدىندا ومىرگە كەلگەن قوعامدىق قوزعالىس قۇرۋ يدەياسى بۇگىندە ناقتى ىسكە اينالىپ, ءتۇپ-تامىرىن تەرەڭگە تارتا ءبىلدى. رەسپۋبليكادا قوعامدىق-ازاماتتىق ينستيتۋتتار اراسىندا جاسالعان مەموراندۋمعا ءسايكەس, اتالعان كۇرەسكە تارتىلۋشىلار سانى دا جىلدان جىلعا ارتىپ كەلەدى.
بۇگىندە قازاقستان تمد مەملەكەتتەرى اراسىندا جەمقورلىقپەن كۇرەستە ءتيىمدى زاڭنامالىق بازاسى بار ەل بولىپ سانالادى. سوندىقتان دا ەلىمىزدە اتالعان الەۋمەتتىك ىندەتتى اۋىزدىقتاۋ جۇيەلى سيپاتقا يە. سوعان قاراماستان, جەمقورلىق كورىنىستەرى ازايماي كەلەدى. بۇل, تۇپتەپ كەلگەندە, مەملەكەتىمىزدىڭ العا قاراي دامۋىن تەجەپ, ءتىپتى كەي جاعدايلاردا ەلدىڭ قاۋىپسىزدىگىنە قاتەر ءتوندىرۋى دە مۇمكىن, دەپ اتاپ كورسەتتى كەڭەس توراعاسى.
بۇل ءۇشىن ەلىمىزدە وعان قاجەتتى العىشارتتاردىڭ ءبارى دە جاسالعان. ەندىگى جەردە وسى باعىتتاعى كۇرەستەگى تۇرعىنداردىڭ سەرگەكتىگى مەن سانا-سەزىمى بيىك, جوعارى دەڭگەي مەن سيپاتتا بولسا, ورتاق ءىس ناتيجەلىرەك بولار ەدى. مۇنىڭ ءوزى ءبىرىن ءبىرى بايىتىپ تولىقتىرا تۇسەتىن كەشەندى شارالار شوعىرى دەگەن ءسوز. سوڭعى كەزدە مەملەكەتتىك قىزمەت تۋرالى زاڭعا ءتيىستى ءوزگەرىستەر مەن تولىقتىرۋلار ەنگىزۋ جونىندەگى قادامدار كۇن ءتارتىبىنە قويىلۋىنىڭ كۇرەستىڭ پارمەندىلىگىن كۇشەيتە تۇسۋگە سەپتىگىن تيگىزەرى انىق.
قاراپايىم تۇرعىنداردىڭ مەملەكەتتىك قىزمەتشىلەرگە دەگەن سەنىمىن ورنىقتىرۋدىڭ باستى ءبىر جولى ولاردىڭ تابىستارى جونىندەگى دەكلاراتسيانى جاريالاۋى بولىپ تابىلادى. وكىنىشكە قاراي, بۇل ماسەلە رەسپۋبليكادا جاپپاي ءورىس الا الاي وتىر دەدى بۇدان ءارى و.ابدىكارىموۆ. دەگەنمەن, ورال وڭىرىندە بۇل ماسەلەدە قۇپتارلىق قادامدار بار ەكەنىنە دە كوز جەتكىزىپ وتىرمىز. مۇندا جۇيەگە ەنە باستاعان «وزىڭنەن باستا!» اكتسياسى اشىقتىق پەن جاريالىلىق ىسىندەگى لايىقتى قادام بولىپ تابىلادى. جەمقورلىققا قارسى كۇرەس جونىندەگى جاڭا زاڭناما جوباسى مۇنداي ادىستەردى جان-جاقتى ورىستەتۋ مەن تەرەڭدەتە ءتۇسۋدى كوزدەيدى. بۇل ىرگەلى قۇجات تۇتاستاي ەلىمىزدىڭ جەمقورلىققا قارسى كۇرەس ساياساتىن ايقىنداي الادى. ونىڭ تاعى ءبىر باستى باعدارى مەن ومىرشەڭدىگى قوعامدىق ينستيتۋتتار كورپۋسىنا ارقا سۇيەۋىندە.
سونداي-اق, ورالباي ءابدىكارىموۆ ەلىمىزدەگى جەمقورلىقپەن كۇرەس ماسەلەلەرىنە ارنالعان ءارتۇرلى باسقوسۋلار مەن فورۋمداردا كوبىنە شارتتى تۇردەگى دەرەكتەر عانا تىزبەكتەلىپ, ەشكىمنىڭ ناقتى اتى-ءجونى اتالمايتىنىن اتاپ كورسەتتى. مۇنداي جاعدايدا جەمقورلىقپەن كۇرەس ءتيىمدى ناتيجە بەرە المايدى, دەپ ءتۇيىن جاسادى ول. بىرقاتار مەملەكەتتەردە جەمقورلىق قىلمىسقا جول بەردى ەكەن, ول مەملەكەتتىك لاۋازىم يەسى وتستاۆكاعا كەتەدى. ەلىمىز بۇل دەڭگەيگە ءازىرگە جەتە الماي وتىر. الايدا ءتۇبىندە وسىنداي كوزقاراس ۇستەم تۇسۋگە ءتيىس.
ءسوزىنىڭ سوڭىندا سەناتور «نۇر وتان» حدپ جەمقورلىققا قارسى كۇرەس جونىندەگى قوعامدىق كەڭەستىڭ توراعاسى ورالباي ءابدىكارىموۆ سىبايلاس جەمقورلىقپەن كۇرەستە باتىس قازاقستان وبلىسى جۇيەلى جۇمىس ىستەيتىن ايماقتار قاتارىنان ورىن الاتىنىنا سەنىم ءبىلدىردى.
«جاڭعىرتۋ مەن جەمقورلىق – ۇيلەسپەس ۇعىمدار» اتتى «نۇر وتان» حدپ وبلىستىق فورۋمى تالقىلانعان ماسەلەلەر بويىنشا ءتيىستى ۇسىنىمدار قابىلدادى.
تەمىر قۇسايىن,
«ەگەمەن قازاقستان».
