كۋاگەرلەردەن جاۋاپ الىندى
سارسەنبى, 21 قاراشا 2012 0:04
تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا اشىق سوت پروتسەسى جالعاسۋدا.
پروتسەستە ءسوز العان سوتتالۋشىنىڭ ادۆوكاتى سەرىك سارسەنوۆ سوتقا توراعالىق ەتۋشى ەربول احمەتجانوۆتان باس تارتاتىنىن ءمالىمدەدى. قورعاۋشىنىڭ ءمالىمدەمەسىن قاراۋ ءۇشىن الماتىدان قىلمىستىق ىستەر ءجونىندەگى مامانداندىرىلعان اۋدانارالىق اسكەري سوت ءتوراعاسى سوۆەتحان ساكەنوۆ كەلدى. ادۆوكات سارسەنوۆتىڭ دايەكتەرىن تىڭداي كەلىپ, سۋديا ساكەنوۆ ونى نەگىزسىز دەپ تانىدى جانە سۋديا احمەتجانوۆتان باس تارتۋ تۋرالى ءوتىنىشىن قاناعاتتاندىرماي تاستادى.
سارسەنبى, 21 قاراشا 2012 0:04
تالدىقورعان قالالىق سوتىندا اسكەري قىزمەتشى ۆ.چەلاحتىڭ ءىسى بويىنشا اشىق سوت پروتسەسى جالعاسۋدا.
پروتسەستە ءسوز العان سوتتالۋشىنىڭ ادۆوكاتى سەرىك سارسەنوۆ سوتقا توراعالىق ەتۋشى ەربول احمەتجانوۆتان باس تارتاتىنىن ءمالىمدەدى. قورعاۋشىنىڭ ءمالىمدەمەسىن قاراۋ ءۇشىن الماتىدان قىلمىستىق ىستەر ءجونىندەگى مامانداندىرىلعان اۋدانارالىق اسكەري سوت ءتوراعاسى سوۆەتحان ساكەنوۆ كەلدى. ادۆوكات سارسەنوۆتىڭ دايەكتەرىن تىڭداي كەلىپ, سۋديا ساكەنوۆ ونى نەگىزسىز دەپ تانىدى جانە سۋديا احمەتجانوۆتان باس تارتۋ تۋرالى ءوتىنىشىن قاناعاتتاندىرماي تاستادى.
ءوز كەزەگىندە سوتتالۋشى چەلاح ءىستىڭ قۇپيا ماتەريالدارىمەن تانىسۋ ءۇشىن وزىنە جانە ادۆوكاتىنا ءۇش كۇن بەرۋ جونىندە ءوتىنىش ءبىلدىردى. سۋديا ساكەنوۆ سوتتالۋشىعا جانە ونىڭ قورعاۋشىسىنا ولارعا قاجەت ماتەريالدارمەن تانىسۋعا ۋاقىتتىڭ جەتكىلىكتى بولاتىنىن ايتىپ, ولاردىڭ ءوتىنىشتەرىن قاناعاتتاندىرۋدان باس تارتتى.
وسىدان سوڭ سوت ايىپتاۋ كۋاگەرلەرىن تىڭداۋعا كىرىستى. «ارقانكەرگەن» زاستاۆاسىندا بولىپ, چەلاحپەن كەزدەسكەن شەكارا قىزمەتى سولداتتارى ءسوز سويلەدى. سونداي-اق «توقجايلاۋ» قىستاعىندا جاسىرىنىپ جۇرگەن ۆ.چەلاحتى ۇستاعان ىزدەۋ توبىنىڭ مۇشەلەرى ءوز كورگەندەرىن باياندادى. «ارقانكەرگەن» زاستاۆاسىنا جاقىن ورنالاسقان «توقجايلاۋ» قىستاعىنىڭ جانە ورمان شارۋاشىلىعىنىڭ قىزمەتكەرلەرىن تەرگەگەن سوت قىلمىس بولعان جەردىڭ ەرەكشەلىكتەرىن ەگجەي-تەگجەيلى انىقتادى.
ءوز كەزەگىندە اسكەري قىزمەتشى كيرەەۆتىڭ جەسىرى سوتتا ءسوز سويلەپ, سوتتالۋشى چەلاحتان 5 ملن. تەڭگە مورالدىق شىعىن تالاپ ەتتى.
اشىق سوت وتىرىسى ودان ءارى جالعاسۋدا.
«ەگەمەن-اقپارات».
