سىناقتان سۇرىنبەدى
سەيسەنبى, 6 قاراشا 2012 7:12
قۇقىق قورعاۋ ورگاندارى قىزمەتكەرلەرىن اتتەستاتتاۋ بارىسى كۇننەن-كۇنگە جاڭا قارقىن الا ءتۇسۋدە. سوعان ساي سوڭعى كەزدەرى قۇقىق قورعاۋ سالاسىنىڭ ماتەريالدىق-تەحنيكالىق بازاسى نىعايىپ كەلەدى. بىلتىر وبلىستا بۇل باعىتقا 3,7 ميلليارد تەڭگە ءبولىندى. باسقارۋدىڭ اۆتوماتتى جۇيەسى ەنگىزىلىپ, سوڭعى ۇلگىدەگى بەينەباقىلاۋ كەڭىنەن قولدانىلادى. وسىنداي وزىق ءادىس-ءتاسىلدەردىڭ كومەگىمەن ونداعان قىلمىس ءىزى سۋىماي ءاشكەرەلەندى. جۋىردا ىسكە قوسىلعان پروتسەسسينگتىك ورتالىقتىڭ يگى ءجاردەمى مول. جاقىندا ءتارتىپ ساقشىلارىنا سۋ جاڭا كولىكتەر كىلتى تابىس ەتىلدى.
سەيسەنبى, 6 قاراشا 2012 7:12
قۇقىق قورعاۋ ورگاندارى قىزمەتكەرلەرىن اتتەستاتتاۋ بارىسى كۇننەن-كۇنگە جاڭا قارقىن الا ءتۇسۋدە. سوعان ساي سوڭعى كەزدەرى قۇقىق قورعاۋ سالاسىنىڭ ماتەريالدىق-تەحنيكالىق بازاسى نىعايىپ كەلەدى. بىلتىر وبلىستا بۇل باعىتقا 3,7 ميلليارد تەڭگە ءبولىندى. باسقارۋدىڭ اۆتوماتتى جۇيەسى ەنگىزىلىپ, سوڭعى ۇلگىدەگى بەينەباقىلاۋ كەڭىنەن قولدانىلادى. وسىنداي وزىق ءادىس-ءتاسىلدەردىڭ كومەگىمەن ونداعان قىلمىس ءىزى سۋىماي ءاشكەرەلەندى. جۋىردا ىسكە قوسىلعان پروتسەسسينگتىك ورتالىقتىڭ يگى ءجاردەمى مول. جاقىندا ءتارتىپ ساقشىلارىنا سۋ جاڭا كولىكتەر كىلتى تابىس ەتىلدى.
ايتۋلى شارا بەيبىت كۇندەردە ەل تىنىشتىعىن قورعاۋ جولىندا ەرلىكپەن قازا تاپقان ءتارتىپ ساقشىلارىنىڭ ەسكەرتكىشىنە تاعزىم ەتۋدەن باستالدى. وسى كۇنى ءوىىد-ءنىڭ جەدەل باسقارۋ ورتالىعىندا مۇراجايدىڭ تۇساۋكەسەرى ءوتتى. وعان ءتورت مىڭنان استام ەكسپوناتتار قويىلعان. بۇدان كەيىن ىشكى ىستەر مينيسترىنىڭ ورىنباسارى, گەنەرال-مايور امانتاي كۇرەڭبەكوۆ پەن وبلىس اكىمى سەرىك ءبىلالوۆ ورتالىق الاڭدا ساپ تۇزەگەن پوليتسيا قىزمەتكەرلەرىن قۇتتىقتاپ, سۋ جاڭا 21 جەڭىل كولىكتىڭ كىلتتەرىن سالتاناتتى جاعدايدا تاپسىردى. قالالىق ىشكى ىستەر باسقارماسى جانىنان اشىلعان كريميناليستيكالىق پوليگون قوعامدىق ءتارتىپ كۇزەتىندە جۇرگەن پوليتسەيلەردىڭ جۇمىسىن جەڭىلدەتە ءتۇسەرى انىق. پوگودين اتىنداعى ورىس دراما تەاترىندا وتكەن سالتاناتتى شارادا ءوز ءمىندەتتەرىن ءمىنسىز اتقارىپ جۇرگەن ءبىر توپ قوعامدىق ءتارتىپ ساقشىلارىنا ىشكى ىستەر مينيسترلىگىنىڭ, وبلىس اكىمىنىڭ قۇرمەت گراموتالارى مەن العىس حاتتارى تاپسىرىلدى. وسىندا مەكتەپ وقۋشىلارى اراسىندا ۇيىمداستىرىلعان «مەنىڭ قازاقستاندىق پوليتسيام» بايقاۋىنىڭ قورىتىندىسى شىعارىلىپ, جەڭىمپازدار ماراپاتتالدى. «سولتۇستىك قازاقستاننىڭ پوليتسياسى: بورىش. باتىلدىق. ەرلىك» اتتى كىتاپتىڭ تۇساۋى كەسىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
