1276 ادام قىزمەتتەن كەتتى
جۇما, 28 قىركۇيەك 2012 7:02
اتتەستاتتاۋ
ءاربىر بەسىنشى قىزمەتكەر سىناقتان وتە المادى
قارجى پوليتسياسى ورگاندارىنىڭ اۋماقتىق اتتەستاتسيالىق كوميسسيالارى ءوز جۇمىسىن اياقتادى. 17 اۋماقتىق كوميسسيادا اتتەستاتتاۋدان قارجى پوليتسياسى اكادەمياسى مەن اۋماقتىق دەپارتامەنتتەردىڭ 2364 قاتارداعى قىزمەتكەرى ءوتتى.
جۇما, 28 قىركۇيەك 2012 7:02
اتتەستاتتاۋ
ءاربىر بەسىنشى قىزمەتكەر سىناقتان وتە المادى
قارجى پوليتسياسى ورگاندارىنىڭ اۋماقتىق اتتەستاتسيالىق كوميسسيالارى ءوز جۇمىسىن اياقتادى. 17 اۋماقتىق كوميسسيادا اتتەستاتتاۋدان قارجى پوليتسياسى اكادەمياسى مەن اۋماقتىق دەپارتامەنتتەردىڭ 2364 قاتارداعى قىزمەتكەرى ءوتتى.
اتالعان كوميسسيالاردا اتتەستاتتاۋدان 2437 قىزمتەكەر ءوتۋى ءتيىس بولاتىن, الايدا 16 قىزمەتكەر لاۋازىمدارىنان بوساتۋ تۋرالى باياناتتار جازىپ, اتتەستاتتاۋدان وتۋدەن باس تارتتى, 3-ءى – ءاسكەري-مەديتسينالىق كوميسسيالارعا قارالۋعا جىبەرىلدى, 26 قىزمەتكەر ۋاقىتشا ەڭبەك قابىلەتسىزدىگىنە بايلانىستى, 20-ى – قىزمەتتىك ءىس-ساپاردا بولۋىنا بايلانىستى, 4-ءى – كەزەكتى ەڭبەك دەمالىسىندا بولۋىنا بايلانىستى, 4-ءى – جۇكتىلىگىنە بايلانىستى اتتەستاتتاۋدان وتكەن جوق.
اتتەستاتتاۋعا جاتاتىن قىزمەتكەرلەر جەرگىلىكتى جەرلەردە قازاقستان رەسپۋبليكاسىنىڭ زاڭناماسىن ءبىلۋ دەڭگەيىن, ويلاۋ قابىلەتتىگىن انىقتاۋعا باعىتتالعان تەستىلەۋدى جانە اسكەري دايىندىق نورماتيۆتەرىن تاپسىرىپ, پسيحولوگ ماماندارىمەن سۇحباتتاستى. اتتەستاتتاۋدىڭ بارلىق كەزەڭى بەينە- باقىلاۋمەن قامتاماسىز ەتىلدى.
قارجى پوليتسياسى اكادەمياسى مەن اۋماقتىق دەپارتامەنتتەر باستىقتارىنىڭ توراعالىق ەتۋىمەن اۋماقتىق اتتەستاتتاۋ كوميسسيالارىمەن وتكىزىلگەن سۇحباتتاسۋ قورىتىندىسى بويىنشا كەلەسىدەي ناتيجەلەر الىندى: 200 قىزمەتكەر ءوز قىزمەتتەرىنە سايكەس كەلەدى جانە كادرلىق رەزەرۆكە ەنگىزۋ نەمەسە جوعارى لاۋازىمدارعا تاعايىندالۋعا ۇسىنىلادى; 1725 قىزمەتكەر لاۋازىمدارىنا سايكەس كەلەدى دەپ تانىلدى; 179 قىزمەتكەر لاۋازىمدارىنا سايكەس كەلمەيدى جانە تومەن لاۋازىمدارعا تاعايىندالۋعا ۇسىنىلدى; 124 قىزمەتكەر لاۋازىمدارىنا سايكەس ەمەس جانە باسقا قىزمەتتەرگە اۋىسۋ ۇسىنىلدى; 136 قىزمەتكەر لاۋازىمدارىنا سايكەس كەلمەيدى جانە قارجى پوليتسياسى ورگاندارىنان جۇمىستان شىعارۋعا ۇسىنىلدى.
سۇحباتتاسۋدان ءوتۋ بارىسىندا تەستىلەۋ مەن اسكەري دايىندىق ءناتيجەلەرى عانا ەمەس, وعان قوسا قىزمەتكەرلەردىڭ جەدەل جۇمىس ناتيجەلەرى دە ەسكەرىلدى.
سونىمەن, اۋماقتىق كوميسسيالاردا اتتەستاتتاۋدان وتكەن 2364 قىزمەتكەردىڭ 439-ى نەمەسە 18,6 پايىزى, ياعني ءاربىر بەسىنشىسى اتتەستاتتاۋدان وتە المادى.
باسقالارعا قاراعاندا الماتى, جانە استانا قالالارىنىڭ جانە قاراعاندى, وڭتۇستىك قازاقستان وبلىستارى بويىنشا قارجى پوليتسياسى دەپارتامەنتتەرىندە اتتەستاتتاۋدان وتە الماعان قىزمەتكەرلەر كوپ بولدى.
اتتەستاتتاۋ ناتيجەسىندە قارجى پوليتسياسى اكادەمياسى مەن اۋماقتىق دەپارتامەنتتەردىڭ 136 قىزمەتكەرى جۇمىستان شىعارىلدى. وسىلايشا قارجى پوليتسياسىنىڭ اۋماقتىق دەپارتامەنتتەرىنىڭ قاتارداعى قۇرامى اتتەستاتتاۋدان بۇرىن جانە ونىڭ ءناتيجەسىندە 6,4 پايىزعا جاڭارتىلدى, دەپ حابارلادى ءباسپاسوز قىزمەتى.
تالاپقا تالعام تارازى
مەملەكەت باسشىسى 2012 جىلدىڭ 8 ساۋىرىندە «قازاقستان رەسپۋبليكاسى قۇقىق قورعاۋ ورگاندارىنىڭ قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىققا قول قويدى. ەلىمىزدىڭ تاريحىندا العاش رەت قۇقىق قورعاۋ جۇيەسىنىڭ جاڭا كادرلىق الەۋەتىن قالىپتاستىرۋ جونىنەن كەڭ اۋقىمدى ءىس-شارالار باستاۋ الدى.
قارجى مينيسترلىگى كبك قىزىلوردا وبلىسى بويىنشا كەدەندىك باقىلاۋ دەپارتامەنتىمەن كەدەن قىزمەتكەرلەرىن كەزەكتەن تىس اتتەستاتتاۋدان وتكىزۋ بويىنشا شارالار, سونىڭ بىرىندە وڭىرلىك اتتەستاتتاۋ كوميسسياسىنىڭ (واك) جۇمىسى ۇيىمداستىرىلدى. كوميسسيا قۇرامىنا كبد باسشىلىعى, كەدەن ورگانىنىڭ ارداگەرى, «نۇر وتان» حدپ قىزىلوردا وبلىستىق فيليالى, «اتامەكەن» ۇەپ, سونداي-اق ءباسپاسوز وكىلدەرى كىردى.
دەپارتامەنت بويىنشا اتتەستاتتاۋعا بارلىعى 23 قىزمەتكەر قاتىستى. ونىڭ ىشىندە 2 قىزمەتكەر اتقارىپ وتىرعان لاۋازىمىنا سايكەس بولماي, باسقا قىزمەتكە (لاۋازىمعا) اۋىستىرىلۋعا ۇسىنىلسا, 1 قىزمەتكەر جۇمىستان بوساتىلۋعا ۇسىنىلدى. قالعان 20 قىزمەتكەر اتقارىپ وتىرعان لاۋازىمىنا سايكەس كەلەدى دەپ تانىلدى, ونىڭ ىشىندە 2 قىزمەتكەر جوعارى لاۋازىمعا ۇسىنىلدى.
جالپى پرەزيدەنت اكىمشىلىگى جانىنداعى جوعارعى اتتەستاتتاۋ كوميسسياسىنان (جاك), قم كەدەندىك باقىلاۋ كوميتەتى جانىنان قۇرىلعان ورتالىق اتتەستاتتاۋ كوميسسياسى (واك) جانە قىزىلوردا وبلىسى بويىنشا كبد جانىنان قۇرىلعان وڭىرلىك اتتەستاتتاۋ كوميسسياسىندا (واك) دەپارتامەنت بويىنشا بارلىعى 31 قىزمەتكەر اتتەستاتتالدى. ناتيجەسى بويىنشا 2 قىزمەتكەر اتقارىپ وتىرعان لاۋازىمىنا سايكەس كەلمەدى 1 قىزمەتكەر لاۋازىمىنان تومەندەتىلۋگە ۇسىنىلدى. 2 قىزمەتكەر جۇمىستان بوساتىلۋعا ۇسىنىلدى. قالعان 26 كەدەنشى اتقارىپ وتىرعان لاۋازىمدارىنا سايكەس كەلەدى دەپ تانىلىپ, ونىڭ ىشىندە 2 قىزمەتكەر كادر رەزەرۆىنە قويىلدى, دەپ حابارلادى قىزىلوردا وبلىسى بويىنشا كبد.
1276 ادام قىزمەتتەن كەتتى
ىشكى ىستەر ورگاندارىنىڭ قىزمەتكەرلەرىن كەزەكتەن تىس اتتەستاتتاۋدىڭ 3 – كەزەڭى جالعاسۋدا. 77 وڭىرلىك اتتەستاتتاۋ كوميسسياسىنان ايماقتىق پوليتسيا جانە قىلمىستىق اتقارۋ جۇيەسىنىڭ قىزمەتكەرلەرى اتتەستاتتاۋدان وتەدى.
نىسانا كوزدەۋ, دەنەشىنىقتىرۋ دايىندىعى, زاڭنامانى ءبىلۋ بويىنشا كومپيۋتەرلىك تەستىلەۋ وتكىزۋگە باقىلاۋ جاساۋ ءۇشىن ءىىم اپپاراتىنىڭ كادر جۇمىسى جانە وزىندىك قاۋىپسىزدىك قىزمەتكەرلەرى اۋماقتىق بولىنىستەرگە ىسساپارلارعا جىبەرىلدى. قابىلداناتىن شەشىمدەر شىنايى بولۋ ءۇشىن وڭىرلىك كوميسسيا مۇشەلەرىنىڭ قاتارىنا ءىىم اپپاراتىنىڭ قىزمەت باسشىلارى مەن ولاردىڭ ورىنباسارلارى ەنگىزىلدى.
بۇگىنگى كۇنى وڭىرلىك اتتەستاتتاۋ كوميسسياسى 22 مىڭنان استام قىزمەتكەردى اتتەستاتتادى, 19211-ءى لاۋازىمدارىنا لايىقتى ەكەندىكتەرىن كورسەتتى. 846-ءى قىزمەتىنەن تومەندەتىلسە, 1091-ءى باسقا قىزمەتكە اۋىستىرىلدى, 1057 قىزمەتكەر ورگاننان الاستاتىلدى.
وڭىرلىك اتتەستاتتاۋ كوميسسياسى قاراعاندى اكادەمياسىندا (203 ادام), قاجك اكادەمياسىندا (139 ادام), پاۆلودار زاڭ كوللەدجىندە (88 ادام) جانە سەمەي قالاسىنداعى ءىىم وقۋ ورتالىعىندا (58 ادام) ءوز جۇمىسىن اياقتادى. جاقىن ارالىقتا شىمكەنت, اقتوبە جانە الماتى قالالارىنداعى وقۋ ورىندارىندا اتتەستاتتاۋدى وتكىزۋ جوسپارلانعان.
ورتالىق اتتەستاتتاۋ كوميسسياسى ۆەدومستۆونىڭ ورتالىق اپپارات, وبلىستاردىڭ جانە كولىكتەگى ءىىد قىزمەت باسشىلارىن, قالالىق, اۋداندىق ورگان باسشىلارى, قىلمىستىق-اتقارۋ جۇيەسى مەكەمەلەرىنىڭ باسشىلارى, وقۋ ورىندارىنىڭ جەتەكشىلەرى, وزىندىك قاۋىپسىزدىك جانە ەسىرتكى بيزنەسىنە قارسى كۇرەس بولىنىستەرىنىڭ, اسكەري – تەرگەۋ ءبولىنىستەرىنىڭ جەكە قۇرامى, ياعني ىشكى ىستەر مينيسترلىگىنىڭ نومەنكلاتۋراسى بويىنشا 3096 قىزمەتكەر كەزەكتەن تىس اتتەستاتتاۋدان ءوتتى. اتتەستاتتاۋ ءناتيجەسى بويىنشا 73-ءى جوعارى تۇرعان لاۋازىمعا ۇسىنىلدى, 2400 لاۋازىمدارىنا لايىقتى ەكەندىكتەرىن تانىتتى, 283 قىزمەتكەردىڭ قىزمەتى تومەندەتىلدى, 132 قىزمەتكەر باسقا قىزمەتكە اۋىستىرىلدى, 208-ءى ءىىو-نان قىزمەتتەن شىعارىلدى.
قازىرگى ۋاقىتتا كەزەكتەن تىس اتتەستاتتاۋدىڭ ناتيجەسى بويىنشا 25 457 قىزمەتكەردىڭ 1140-نىڭ قىزمەتى تومەندەتىلدى, 1227-ءسى باسقا قىزمەتكە اۋىستىرىلدى, ال 1276-سى ءىىو-نان قىزمەتتەن شىعارىلدى.
ەندى وڭىرلىك اتتەستاتتاۋ كوميسسياسىنان 49 مىڭعا جۋىق قىزمەتكەردى اتتەستاتتاۋدان ءوتكىزۋ قالدى, دەپ حابارلادى ءىىم ءباسپاسوز قىزمەتى.
سۋرەتتى تۇسىرگەن ەرلان وماروۆ.
