دامۋعا نەگىز قالانعان
سەنبى, 1 قىركۇيەك 2012 7:55
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆتان ەلباسىنىڭ كونفەرەنتسيادا العاشقى كۇنى ايتقان ويلارى تۋرالى جانە نەگىزگى زاڭىمىزدىڭ ءمانى مەن ماڭىزى جايلى پىكىرىن ايتىپ بەرۋىن سۇراعان ەدىك.
– ەلباسى وسى كونفەرەنتسيانىڭ العاشقى كۇنى كونستيتۋتسيانىڭ ءمانى مەن ماڭىزى تۋرالى جاڭا ويلارىمەن ءبولىستى. وسىعان ءوزىڭىزدىڭ پىكىرىڭىزدى بىلدىرسەڭىز.
سەنبى, 1 قىركۇيەك 2012 7:55
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆتان ەلباسىنىڭ كونفەرەنتسيادا العاشقى كۇنى ايتقان ويلارى تۋرالى جانە نەگىزگى زاڭىمىزدىڭ ءمانى مەن ماڭىزى جايلى پىكىرىن ايتىپ بەرۋىن سۇراعان ەدىك.
– ەلباسى وسى كونفەرەنتسيانىڭ العاشقى كۇنى كونستيتۋتسيانىڭ ءمانى مەن ماڭىزى تۋرالى جاڭا ويلارىمەن ءبولىستى. وسىعان ءوزىڭىزدىڭ پىكىرىڭىزدى بىلدىرسەڭىز.
– ەلباسىنىڭ كەشەگى جيىندا ايتقان ويلارى شىنىمەن دە قازىرگى ءبىزدىڭ قوعام ءۇشىن وتە ماڭىزدى, قۇندى بولىپ وتىر. بۇل كونفەرەنتسيانىڭ ءوتۋىنىڭ ءوزىن مەن كەز كەلگەنىمىز ءۇشىن ماڭىزدى دەپ ايتا الامىن. ويتكەنى, كونستيتۋتسيا دەگەنىمىز – بۇل ءبىزدىڭ ءومىرىمىزدىڭ اجىراماس ءبىر بولىگى, مەملەكەتىمىزدىڭ نەگىزگى زاڭى. ەلباسى كەشەگى جيىندا كوپ ماسەلەنى كوتەردى. الەۋمەتتىك سالانى دامىتۋ, حالىقتىڭ الەۋمەتتىك جاعدايىن جاقسارتۋ, ونىڭ جولدارى تۋرالى جاقسى ايتتى. پرەزيدەنتتىڭ وسى پىكىرلەرى ءبارىمىزدىڭ كوڭىلىمىزدەن شىقتى, ويىمىزدى ءدوپ باستى. سول كونفەرەنتسيانىڭ جالعاسى رەتىندە ەندى, مىنە, ەۋرازيا ۇلتتىق ۋنيۆەرسيتەتىندە ۇلكەن جيىن وتۋدە. وعان ءبىزدىڭ عالىمدار, وقىتۋشىلار قۇرامى ءبارى اتسالىستى. بۇل جەردە ءبىز ەلباسىنىڭ كەشەگى جيىندا ايتقان ويلارىن وقىتۋشىلارعا, ستۋدەنتتەرگە جەتكىزۋدى ماقسات ەتىپ وتىرمىز.
جالپى, وزگەرىسسىز ەشنارسەنىڭ بولمايتىنى بەلگىلى. وزگەرىس دەگەنىمىزدىڭ ءوزى تابيعاتتىڭ زاڭدىلىعى. ال ءوزگەرىس بولماسا وندا دوگما بولادى. سوندىقتان مەملەكەت باسشىسىنىڭ بولاشاقتا اتا زاڭىمىزدىڭ زامان اعىمىنا ساي وزگەرۋى مۇمكىن ەكەنى تۋرالى ايتقان پىكىرىمەن تولىق قوسىلامىن. سولاي بولۋ كەرەكتىگىنە كەلىسەمىن. بيىل كونستيتۋتسيانىڭ بۇكىلحالىقتىق رەفەرەندۋم ارقىلى قابىلدانعانىنا 17 جىل تولىپ وتىر.
– ءدال قازىر كونستيتۋتسيانى ءوزگەرتۋگە بولا ما؟
– ءبىزدىڭ ەلدە بۇل ماسەلەمەن اينالىساتىن ارنايى ورگاندار بار. بۇل ماسەلە سولاردىڭ قۇزىرەتىنە جاتادى. ياعني ەگەر زاڭ شىعارۋشى ورگانىمىز پارلامەنت پەن سونى حالىققا جەتكىزۋشى جەرگىلىكتى ءماسليحاتتار وزگەرىس قاجەت دەسە, وندا وزگەرىستەر جاسالۋى مۇمكىن. نەگىزى, قازىرگى قولدانىستاعى كونستيتۋتسيامىزدا ەلىمىزدىڭ دامۋىنا, ءوسىپ-ءوركەندەۋىنە بارلىق زاڭدىق نەگىز بار دەپ ويلايمىن.
اڭگىمەلەسكەن
داستان كەنجالين,
«ەگەمەن قازاقستان».
