قوعام • 17 ءساۋىر، 2019

«Almaty Travel Fest» ساياحاتشىلار فورۋمى وتەدى

1026 رەت كورسەتىلدى

19 ساۋىردە «تۋريزم جانە ساياحات» 2019 كورمەسى اياسىندا «Almaty Travel Fest» ساياحاتشىلار فورۋمى وتەدى.

بۇل اۋەسقوي ساياحاتشىلار مەن كاسىبي مامانداردى بىرىكتىرەتىن جانە بەلگىلى ترەۆەل-فوتوگرافتارمەن، ترەۆەلبلوگەرلەرمەن، تىلشىلەرمەن جانە باسقا دا تۋريستىك بيزنەس وكىلدەرىمەن تانىسۋعا ارنالعان بىرەگەي الاڭ. ايتا كەتەر جايت، اتالمىش شارا 2017 جىلدان بەرى ءداستۇرلى تۇردە وتكىزىلىپ كەلەدى. فورۋمنىڭ ۇيىمداستىرۋشىسى – «QazaqGeography» رەسپۋبليكالىق قوعامدىق بىرلەستىگى مەن ITECA كومپانياسى.

«Almaty Travel Fest 2019» قوناقتارىن قىزىقتى اڭگىمەلەر مەن پرەزەنتاتسيالار تۇرىندە تىلسىم سىرعا تولى الىس جولدارعا «ساياحات» كۇتىپ تۇر. QazaqGeography-ءدىڭ ەكسپەديتسيالارى مەن قازاقستاننىڭ تۋريستەرگە ارنالعان تاريحي مەكەندەرى، قورىقتارى جايلى نۇرجان العاشوۆ ءسوز باستايدى. كورشىلەس قىرعىزستاننىڭ تاڭ قالدىرار تابيعاتىن بىشكەكەتەن كەلگەن قوناق ازامات اكماتوۆ باياندايدى. ماروككونىڭ قۇپيالارى جايلى دينارا كاليموۆا ايتىپ بەرسە، رەسەي ساياحاتشىسى ەۆگەني اندروسوۆ جاڭا زەلاندياعا ساپارى جايلى ءسوز قوزعايدى. تانىمال بلوگەر الەكساندر تسوي «سولتۇستىك جارىقتارىن» ىزدەۋدەگى ءوز حيكاياسىن بايانداماقشى. لايفستايل بلوگەر ساۋلە سەرگازيەۆنا وڭتۇستىك افريكاعا ساپارى كەزىندەگى قىزىق وقيعالارمەن بولىسپەكشى.

الدىن الا مىنا سىلتەمە ارقىلى تىركەلگەندەر ءۇشىن كىرۋ تەگىن: https://kitf.kz/ru/poluchite-bilet ، پرومو-كود KITF19FEST. فورۋمنىڭ اياقتالۋىنا وراي «نسك» ساقتاندىرۋ كومپانياسى مەن «SCAT» اۆياكومپانياسىنان باعالى سىيلىقتار ويناتىلاتىن بولادى. ايتا كەتەر جايت، نۇر-سۇلتان قالاسىنان ۇلان-باتورعا دەيىنگى اۋە بيلەتىن ۇتىپ الۋعا دا مۇمكىندىك بولادى.

شارانىڭ وتەتىن ورنى: الماتى قالاسى، اتاكەنت حالىقارالىق كورمە ورتالىعى، 11-پاۆيلون.

ۋاقىتى: 19 ءساۋىر 2019 ج.، ساعات 10.30-دان 15.30-عا دەيىن

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار