يگى باستاما قازاقستان رەسپۋبليكاسىنىڭ ۇلتتىق بانكى (بۇدان ءارى – قرۇب) 15 ساۋىردە بازالىق مولشەرلەمەنى 9,0% دەڭگەيگە دەيىن تومەندەتۋ تۋرالى شەشىم قابىلداعاننان كەيىن جۇزەگە استى. «باسپانا حيت» باعدارلاماسى بويىنشا جىلدىق سىياقى مولشەرى قرۇب بازالىق ستاۆكاسىنا (قرۇب بازالىق ستاۆكاسى +1,75%) بايلانىستى بولاتىنىن ەسكە سالامىز.
«پايىزدىق ۇستەمە يپوتەكالىق قارىز شارتىن جاساۋ ساتىندە تىركەلەدى جانە كليەنت ءۇشىن وزگەرىسسىز قالادى. باسپانا ءحيتتىڭ يپوتەكانى 11%-بەن العان بورىشكەرلەرى اي سايىنعى تولەمدەردى بۇرىن بەكىتىلگەن كەستەگە سايكەس تولەيدى. پايىزدىق مولشەرلەمەدەگى وزگەرىستەر جاڭا كليەنتتەرگە عانا قاتىستى بولادى», – دەدى «باسپانا» يۇ باسقارما توراعاسىنىڭ ورىنباسارى دارحان بايقۋاتوۆ.
باسپانا حيت بويىنشا ماقۇلدانعان كرەديتتەردىڭ سوماسى 25 ملرد. تەڭگەگە جەتتى. بۇگىنگى كۇنگە دەيىن 3 113 قازاقستاندىق وسى يپوتەكالىق باعدارلاما بويىنشا پاتەر الدى.
باسپانا حيت ازاماتتىڭ مەنشىگىندە باسپاناسى بولسا دا باستاپقى نە قولدانىستا بولعان تۇرعىن ءۇيدى الۋعا مۇمكىندىك بەرەدى. يپوتەكانى 8 بانك بەرەدى: حالىق بانكى, تسەنتركرەديت بانك, سبەربانك, تسەسنابانك, ەۋرازيالىق بانكى, Forte Bank, Bank RBK جانە اتفبانك.
ازاماتتاردىڭ اي سايىنعى تولەمدەرىن ەسەپتەۋىنە قولايلى بولۋى ءۇشىن باسپانا حيت يپوتەكالىق كالكۋلياتورى ىسكە قوسىلدى www.baspanahit.kz
