«ەگەر سىزدەر قازاقستان چەمپيوناتىن ەشقاشان كورمەگەن بولساڭىزدار جانە ونى ادامنىڭ ءىشىن پىستىراتىن تۋرنير دەپ ەسەپتەيتىن بولساڭىزدار, دايىندالىڭىزدار – قازىر سىزدەردىڭ پىكىرلەرىڭىز تۇبىرىمەن وزگەرەدى.
«ورداباسىنىڭ» شابۋىلشىسى توقتار جانعىلىشباي «استانامەن» بولعان ماتچتا تاڭعاجايىپ گول سوقتى: قاپتالدان اۋەلەتە بەرىلگەن پاستى وكشەمەن يكەمدەپ الدى دا, اينالا بەرىپ سول اياعىمەن قاقپاعا ءدال سوقتى.
عاجاپ.
ءدال وسىنداي مانەردە دەنيس بەرگكامپ «نيۋكاسلدىڭ» قاقپاسىنا ۇلى گول سوققان ء(يا, ءبىز شىنىمەن دە جانعىلىشباي مەن بەرگكامپتىڭ گولدارىن سالىستىرىپ وتىرمىز).
بۇل ويىندا «ورداباسى» تۋرنير كەستەسىندە كوش باستاۋشى «استانادان» 1:2 بولىپ جەڭىلدى, قازىر كلۋب ءتورتىنشى ورىندا كەلەدى.
25 جاسار جانعىلىشباي ماۋسىمداعى العاشقى گولىن سوقتى, ونىڭ مانسابىنداعى ستاتيستيكا كوڭىل كونشىتە قويمايدى – چەمپيوناتتىڭ 107 كەزدەسۋىندە بار بولعانى 14 گول سوققان. «ورداباسى» – فورۆاردتىڭ وسىمەن سەگىزىنشى كلۋبى (قازاقستاندا عانا ويناعان, ونىڭ ىشىندە «استانانىڭ» دا نامىسىن قورعاعان)», دەپ جازادى باسىلىم.
ەسكە سالساق, توقتار جانعىلىشباي قاراعاندى فۋتبول مەكتەبىنىڭ تۇلەگى. سپورتتىق مانسابىن جەرگىلىكتى «شاحتەر» كومانداسىندا باستاعان.
قاراعاندى وبلىسى
