وبلىس اكىمى ق.كوشەرباەۆ ءوڭىردىڭ كوممۋنالدىق كاسىپورىندارى شتاتتىق رەجيمدە جۇمىس ىستەگەندىگىن جانە اۋقىمدى اۆاريالار ورىن الماعانىن اتاپ ءوتتى. سونداي-اق, كەلەسى جىلۋ بەرۋ ماۋسىمىنا ۋاقىتىلى دايىندىق جۇرگىزۋ كەرەكتىگىن ايتتى.
قىزىلوردا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مەدەت ۋساين 2018-2019 جىلدارداعى جىلىتۋ ماۋسىمىنىڭ قورىتىندىسى تۋرالى باياندادى.
- جىلۋ بەرۋ ماۋسىمىندا وبلىس بويىنشا الەۋمەتتىك نىسانداردىڭ ءبىلىم سالاسىنداعى 495, مادەنيەت جانە سپورت سالاسىنداعى 405, دەنساۋلىق سالاسىنداعى 266 نىسانعا جانە ورتالىقتاندىرىلعان جىلۋ جۇيەسىنە قوسىلعان 763 كوپقاباتتى تۇرعىن ءۇي جىلۋمەن قامتاماسىز ەتىلدى. وسىعان وراي, ورتالىقتاندارىلعان جىلۋمەن قامتاماسىز ەتەتىن «قىزىلورداجىلۋەلەكترورتالىعى» مكك-ءنىڭ ۇستىمىزدەگى جىلىتۋ كەزەڭىندە توقتاۋسىز جۇمىس جاساۋى ماقساتىندا 602 توننا مازۋت وتىنى ساتىپ الىندى. مەملەكەتتىك-جەكەشەلىك ارىپتەستىك نەگىزىندە وبلىستا قوسىمشا 31 الەۋمەتتىك نىساننىڭ جىلۋ قازاندىقتارى گازعا اۋىستىرىلادى. قازىرگى تاڭدا, ارىپتەستىك اياسىندا ارال جانە شيەلى اۋداندارىنداعى 13 الەۋمەتتىك نىسانداردىڭ جىلۋ قازاندىقتارى گازعا اۋسىتىرىلۋدا. ناتيجەسىندە, الەۋمەتتىك نىسانداردى جىلىتۋعا جۇمسالاتىن شىعىن 4-5 ەسەگە تومەندەيدى. قالعان الەۋمەتتىك نىساندارعا كونكۋرستتىق قۇجاتتارى ازىرلەنۋدە. بۇل جۇمىستار گازداندىرىلعان ايماقتاردا كەزەڭ-كەزەڭىمەن جۇرگىزىلەتىن بولادى, - دەدى م.ۋساين.
سونداي-اق, ماجىلىستە كوممۋنالدىق كاسىپورىنداردىڭ باسشىلارى مەن قالا جانە اۋدان اكىمدەرى اتقارىلعان جۇمىستار تۋرالى ەسەپ بەردى.
