سينحروندى جۇزۋدەن قازاقستان كومانداسى قازانداعى الەم كۋبوگى كەزەڭىندە باق سىنايدى

سپورت • 16 ءساۋىر، 2019

سينحروندى جۇزۋدەن قازاقستان كومانداسى قازانداعى الەم كۋبوگى كەزەڭىندە باق سىنايدى

741 رەت كورسەتىلدى

سينحروندى جۇزۋدەن قازاقستان كومانداسى جاڭا ماۋسىمدى باستايدى. ۇلتتىق قۇراما مۇشەلەرى بيىلعى جىلدىڭ العاشقى رەسمي تۋرنيرىنە اتتانباقشى. ءاليا كاريموۆا جاتتىقتىراتىن كوماندا 17-22 ءساۋىر كۇندەرى رەسەيدىڭ قازان قالاسىندا وتەتىن سينحروندى جۇزۋدەن الەم كۋبوگى كەزەڭىندە باق سىنايدى دەپ حابارلايدى Olympic.kz.

اقمارال اعزامقىزى

توپتىق جاتتىعۋدا قازاقستان اتىنان تومەندەگى سپورتشىلار سىنعا تۇسەدى:

ولگا ەزداكوۆا، ەكاتەرينا سيمونوۆا، ەلەنا كرىلوۆا، ءجانيا جيەنعازى، كارينا ابۋللينا، ايگەرىم قۇرمانعاليەۆا، ەتەري كاكۋتيا، نارگيزا بولاتوۆا، ۆالەريا سكاكوۆسكايا;

تەحنيكالىق جانە ەركىن سولو باعدارلاماسى: دجەنيفەر رۋسانوۆا;

تەحنيكالىق دۋەت:ء جانيا جيەنعازى، كارينا ابدۋللينا;

حايلايت (اكروباتيكالىق باعدارلاما): ولگا ەزداكوۆا، ەكاتەرينا سيمونوۆا، ەلەنا كرىلوۆا، ءجانيا جيەنعازى، كارينا ابۋللينا، ايگەرىم قۇرمانعاليەۆا، ەتەري كاكۋتيا، نارگيزا بولاتوۆا، ۆالەريا سكاكوۆسكايا، كسەنيا ماكاروۆا.

«قازانداعى الەم كۋبوگى كەزەڭى ءبىزدىڭ كوماندا ءۇشىن ۇلكەن تاجىريبە بولماق. ويتكەنى، سپورتشىلاردىڭ بارلىعى جاس. ازيا ويىندارىنان كەيىن كوپتەگەن قىزدارىمىز سۋ دوبىمەن قوش ايتىستى. سوندىقتان، جاڭا كوماندا جاساقتاپ، جاستاردى ۇلكەن باسەكەلەردە شىڭداپ كورمەكپىز. الەم چەمپيوناتىنا دەيىن كوماندانى ابدەن شىڭداۋ كەرەك. قازانداعى جارىسقا اپالى-ءسىڭلىلى نەميچتەر قاتىسپايدى. ولار 25 ءساۋىر كۇنى توكيودا وتەتىن كۋبوكتىك كەزەڭگە دايىندالۋدا. جاپونياداعى تۋرنيرگە الەمنىڭ بارلىق ۇزدىكتەرى جينالادى. اسىرەسە، دۋەت بويىنشا كىل مىقتىلار ءوزارا جەڭىمپازدى انىقتاماق. سول سىندا نەميچتەر دە بار ونەرىن سالادى. ال رەسەيگە اپاراتىن دۋەت ءالى جاس. ولار دۋەتتەن بولەك، توپتىق جاتتىعۋدا دا سىنعا تۇسەدى. كومانداداعى جاقسى جاڭالىقتاردىڭ ءبىرى دەپ ەلەنا كرىلوۆانىڭ جاراقاتىنان كەيىن قاتارعا قوسىلۋىن ايتۋعا بولادى. جالپى العاندا، قازانداعى الەم كۋبوگى كەزەڭى ءبىز ءۇشىن ۇلكەن تاجىريبە الاڭىنا اينالادى»، - دەيدى سينحروندى جۇزۋدەن قازاقستان كومانداسىنىڭ باس باپكەرى ءاليا كارىموۆا.

ەسكە سالا كەتەيىك، سينحروندى ءجۇزۋ سپورتىنىڭ وكىلدەرى ءۇشىن ەڭ ۇلكەن ماقسات – توكيو وليمپياداسىنا جولداما الۋ.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز