بۇگىن قالا اكىمى عابيدوللا ءابدىراحىموۆتىڭ قاتىسۋىمەن باسقارما باسشىلارى مەن ءتورت اۋدان اكىمدەرىمەن ءماجىلىس ءوتتى. جيىندا شاھاردىڭ ينفراقۇرىلىم جۇيەلەرى, اۋلالاردى اباتتاندىرۋ جۇمىستارى بويىنشا جولاۋشىلار كولىگى جانە اۆتوموبيل جولدارى, قۇرىلىس, ەنەرگەتيكا جانە كوممۋنالدىق-شارۋاشىلىق, تۇرعىن ءۇي ينسپەكتسياسى باسقارماسى باسشىلارىنىڭ اتقارىلعان جۇمىستارى تالقىلانعان ەدى.
– ەڭ الدىمەن ساپاعا ءمان بەرىلسىن. ءوز مىندەتتەرىنە سالعىرت قارايتىن مەردىگەرلەرگە شارا قولدانىلادى. جالپى ستراتەگيالىق جۇمىستارمەن قاتار, حالىقتىڭ تالاپ-تىلەكتەرىنە جاۋاپ بەرىپ, باقىلاپ وتىرۋ كەرەك. مەنىڭ ينستاگرام پاراقشاما كىرىڭىزدەر, ونداعى كوممەنتاريلەردى مۇقيات وقىڭىزدار, پىكىرلەردە قالا تۇرعىندارىنىڭ وزەكتى شاعىمدارى بار. ءاردايىم الەۋمەتتىڭ جەلىدە تۇرعىنداردىڭ ارىز-شاعىمىن باقىلاپ وتىرىڭىزدار, – دەدى قالا اكىمى.
