ەكى كۇندىك شەبەرلىك سايىسىندا جۋرناليست ماماندارىن دايىندايتىن 17 جوعارى وقۋ ورىندارىنان 51 ستۋدەنت تىركەلىپ, باقتارىن سىناۋدا.
العاشقى كۇنى « ۇلى دالانىڭ ۇلاعاتى» تاقىرىبىندا جۋرناليستىك قىرلارىن تانىتاتىن كوماندانىڭ بەينەروليك رەتىندەگى تانىستىرىلىمى كورەرمەنگە جول تارتسا, ەكىنشى كەزەڭىندە تاريحي تۇلعالار مەن ۇلى دالانىڭ شەجىرەسى, تاۋەلسىزدىك جىلدارىنداعى قازاقستاننىڭ قول جەتكىزگەن جەتىستىكتەرى مەن جاستار جىلىنداعى وزگەرىستەر جايلى ويتولعاۋ جازىلدى. وسىلايشا قاتىسۋشىلاردىڭ جۇمىسىن پاۆلودار ولكەسىنىڭ بىلىكتى جۋرناليستەرىنەن قۇرالعان توپ قازىلىق جاساپ, باعالادى.
ەكىنشى كۇنى تەوريالىق بىلىمدەرىن تەكسەرۋ ماقساتىندا ەكى ساعاتتىق تەستىلەۋ جۇرگىزىلدى. قوناقجاي پاۆلودارلىقتار العاشقى كۇننەن-اق كەلگەن قوناقتارعا ارناپ ەكسكۋرسيا جۇرگىزدى. قاتىسۋشىلار قالا تاريحىمەن تەرەڭىرەك تانىسۋعا مۇمكىندىك الدى. وسىلايشا سايىسكەرلەر بۇحار جىراۋ مەن الكەي مارعۇلان سىندى قازاقتىڭ ماقتانىشتارى تۋعان ولكە ەرتىس-بايان ءوڭىرىنىڭ تاريحى مەن كەلبەتىنە دەگەن تاڭدانىسىن بەينەسيۋجەت ارقىلى جەتكىزەدى.
ء داستۇرلى شاراعا اينالعان ءپان وليمپياداسى ەلىمىزدىڭ تۇكپىر-تۇركىرىنەن جينالعان جاستاردىڭ دوستىق مەكەنىنە اينالدى.
ا.بايتۇرسىنوۆ اتىنداعى قمۋ-دىڭ جۋرناليستيكا ماماندىعى ستۋدەنتتەرىنىڭ قۇراماسى
