جالپى ينۆەستيتسيالىق قۇنى – 300 مىڭ اقش دوللارى. مۇندا تاۋلىگىنە 6 ءتۇرلى 2 000 دانا اياق كيىم شىعارىلادى. جۇمىس ىستەپ كەلە جاتقانىنا 3 اي بولعان « ۇلىقبەك» جەكە كاسىپكەرلىگىنىڭ يەسى ۇلىقبەك ءابدىرامانوۆ تسەحتى اشۋ ىسىندە مەملەكەتتىك قولداۋ تاپقان.
«مەن بۇعان دەيىن شامامەن 10 جىلداي اياق كيىم ساتۋمەن اينالىسىپ كەلدىم. سول كەزدە جەكە تسەح اشىپ السام دەگەن وي كەلدى. بۇگىندە سونىڭ ءساتى ءتۇسىپ جاڭادان ءىس باستاپ وتىرمىز. جىلدىڭ مەزگىلىنە بايلانىستى اياقكيىمنىڭ بىرنەشە ءتۇرىن وندىرىلەدى. ونىمگە دەگەن سۇرانىس جوعارى. جەرگىلىكتى اكىمدىك جانە كاسىپكەرلىك بولىمىنە ريزاشىلىعىمدى بىلدىرگىم كەلەدى. وسى جوبانى جۇزەگە اسۋىنا قولداۋ كورسەتىپ, قاجەتتى جەر ءبولىپ بەردى», – دەدى مەكەمە باسشىسى.
تسەحتا 20 ادام تۇراقتى جۇمىسقا ورنالاسقان. قاجەتتى شيكىزات قىتاي, وزبەكستان ەلدەرىنەن تاسىمالدانادى. دايىن ءونىم ەلىمىزدىڭ بارلىق وڭىرلەرىنە جونەلتىلۋدە. كاسىپكەردىڭ ەندىگى جوسپارى مەملەكەت تاراپىنان كورسەتىلەتىن كومەكتى پايدالانىپ, كاسىپتىڭ ءورىسىن كەڭەيتۋ.
