ءمينيستردىڭ ايتۋىنشا, قازاقستاندىق كاسىپورىندار جاقىن جانە الىس شەت ەلدەردەگى مامانداندىرىلعان كورمەلەرگە قاتىسادى.
«ەكسپورتتاۋشىلارعا پوتەنتسيالدى شەتەلدىك ساتىپ الۋشىلارمەن كەزدەسۋلەر وتكىزۋ, ولاردىڭ ونىمدەرىن جارنامالاۋ, سونداي-اق كورمە الاڭىن جالعا الۋ, ەكسپورتتاۋشىلاردىڭ شىعىندارىن وتەۋ, قاتىسۋشىلارعا ارنالعان ءۇي-جايلار مەن تاماقتانۋ, رەيستەر مەن اۋدارما قىزمەتتەرىن تولەۋگە جاردەمدەسەتىن بولادى. بۇل قولداۋ ەكسپورتتاۋشىلاردىڭ 70%-ءتىن, كەمىندە 270 وتاندىق كومپانيانى قامتيدى», دەيدى مينيستر ر. سكليار.
ۆەدومستۆو باسشىسىنىڭ ايتۋىنشا, شەتەلدە قازاقستاندىق تاۋارلارعا دەگەن سۇرانىس پەن اقپاراتتاردى ارتتىرۋ ءۇشىن بيىل مامىر ايىندا «قازاقستاندا جاسالعان» برەندى قۇرىلادى. «قازاقستاندا جاسالعان» برەندىمەن اينالىساتىن جاۋاپكەرشىلىگى جوعارى ەكسپورتتاۋشىلار مەملەكەتتىك ەكسپورتتىق قولداۋدىڭ اۋقىمدى شارالارىن قولدانادى.
بۇل ەكسپورتتاۋشىلاردى ىلگەرىلەتۋدە جارناما مەن جارنامانىڭ قۇنىن ايتارلىقتاي تومەندەتۋگە جانە جاڭا نارىقتارعا شىعۋ پروتسەسىن جەڭىلدەتۋگە مۇمكىندىك بەرەدى.
