– گاۋحار عالىمقىزى, ءسىز جەتەكشىلىك ەتەتىن وقۋ ورنىنا بولاشاققا جاڭاشا كوزقاراس قالىپتاستىراتىن حالىقارالىق باعدارلامالار قانداي سەرپىن بەرۋدە؟
– بۇگىندە ءبىلىم بەرۋ ءۇردىسىنىڭ ترەندتەرى تاڭعالارلىق. ءبىرىنشى كەزەكتە بۇل جوعارى ءبىلىم بەرۋدىڭ ءبىرىڭعاي باسەكەگە قابىلەتتى كەڭىستىگىن قۇرۋعا باعىتتالعان. ياعني, ستۋدەنتتەر مەن وقىتۋشىلاردىڭ اكادەميالىق ۇتقىرلىعى قاجەت. جوعارى ءبىلىم بەرۋ مەن عىلىمي تاجىريبەنىڭ ءوزارا ىقپالداسۋى اسا ماڭىزدى. ءبىزدىڭ وقۋ ورنىندا 2017-2019 وقۋ جىلىندا سىرتقى اكادەميالىق ۇتقىرلىق اياسىندا ۋنيۆەرسيتەتتىڭ 74 ستۋدەنتى گەرمانيا, پولشا, چەحيا, لاتۆيا جانە رەسەيدىڭ شەتەلدىك جوعارى وقۋ ورىندارىندا ءبىلىم الدى. ىشكى اكادەميالىق ۇتقىرلىق بويىنشا 53 ستۋدەنت ءبىلىم السا, 24 وقىتۋشى ەۋروپالىق ۋنيۆەرسيتەتتەردە ءدارىس وقىدى. بۇل ۇردىسكە ەرازمۋس+, ماشاۆ, Global UGRAD, Deula Nienburg, IASTEA جانە ت.ب. حالىقارالىق باعدارلامالار قوسىمشا سەرپىن بەرەدى.
– الەمدىك ءبىلىم كەڭىستىگىنە قوسىلۋ ارقىلى وقۋ ورنى قوس ديپلومدى ءبىلىم بەرۋ باعدارلامالارىن جۇزەگە اسىرا الا ما؟
– ءبىز ستۋدەنتتەردىڭ قوس ديپلوم الۋى ءۇشىن شۆەتسيا, ءۇندىستان, ۇلىبريتانيا, اقش, تۇركيا, بولگاريا, حورۆاتيادان ۇزدىك شەتەلدىك عالىمداردى ىزدەيمىز. الەمدىك ءبىلىم كەڭىستىگىنە كىرۋ جولىنداعى ءبىزدىڭ جوو-نىڭ ۇلكەن جەتىستىگى – قوس ديپلومدى ءبىلىم بەرۋ باعدارلامالارىن جۇزەگە اسىرۋ بولماق.
– وبلىستىڭ 2030 جىلعا دەيىنگى دامۋ ستراتەگياسى شەڭبەرىندە ءۇش جىل بۇرىن حالىقارالىق ستارتاپ اكادەمياسى اشىلدى. ستارتاپ اكادەمياسى بيزنەس ورتا قالىپتاستىرا وتىرىپ, رەزيدەنتتەرگە كاسىپكەرلىكتى جۇرگىزۋ مەن تاجىريبەلىك داعدىلارىن مولايتۋعا مۇمكىندىك بەرەدى.
– ۋنيۆەرسيتەت ءوزىنىڭ عىلىمي-تەحنيكالىق سالالىق باعىتىنا ساي قانداي ستارتاپ جوبالاردى اشۋعا ءمۇمكىندىك بەردى؟
– مىسالى, «كەڭ تاراعان بەنزيندىك موتوتسيكل نەگىزىندە جاسالعان ەلەكتروبايك» قوزعالىس بارىسىندا بەنزين باعاسىن 10 ەسەگە ارزانداتۋعا مۇمكىندىك بەرەدى. ال «Atmos Water» جوباسى – سۋدى مەحانيكالىق, ەرىمەيتىن بولشەكتەردەن, حلور قوسپالارى, اۋىر مەتالداردان تازارتۋ قۇرالى. ەكىنشىسى, ۋنيۆەرسيتەت عالىمدارى بولاشاقتا سۋمەن جۇمىس ىستەيتىن دۆيگاتەل جاساۋعا كومەكتەسەتىن «سۋتەگى گەنەراتورىن» قۇراستىردى. ءۇشىنشىسى, جاياۋ جۇرگىنشىلەر پليتالارىن پايدالانۋ جۇيەسى, بۇل جاياۋ جۇرگىنشىلەردىڭ كينەتيكالىق ەنەرگياسىن جيناقتاپ, پايدالانۋ ءۇشىن ەلەكتر ەنەرگياسىن تۇرلەندىرۋگە مۇمكىندىك بەرەدى. ءتورتىنشى, پلاستيكالىق تۇرمىستىق قالدىقتار جانە تەحنوگەندىك قالدىقتار نەگىزىندە قۇرىلىس ماتەريالدارىن كۇل تۇرىندە (كەسپە تاستار, بورديۋرلەر, چەرەپيتسالار جانە ت.ب.) ءوندىرۋ. بەسىنشى, SOLAR LIGHT جوباسىنىڭ ماقساتى – كۇن باتارەيالارى نەگىزىندەگى اۆتونومدى جارىقشامداردى كوممەرتسيالاندىرۋ جانە جوبا قۇرۋ.
– ۋنيۆەرسيتەت اۋماعىندا ورناتىلعان اۆتونومدى جارىقشامدار وسى جوبالاردىڭ ناتيجەسى مە؟
– ايتپاقشى, ART-GARAGE-كوۆوركينگ ورتالىعى قاشان اشىلادى؟
– جاقىن ارادا اشۋدى جوسپارلاپ وتىرمىز. نەگىزى ART-GARAGE فورماتى كاليفورنياداعى كلاسسيكالىق گاراجدارعا جاتادى. بۇل جەردە كەزىندە «Apple», «Google» سياقتى ءىرى كومپانيالار پايدا بولدى. سول ىسپەتتى بىزدە دە IT-تەحنولوگيالار سالاسىنداعى «TKR-Toraighyrov University» فيرماسى, سونىمەن قاتار art-گالەرەيا ورنالاسادى. وندا ستۋدەنتتەرمەن قاتار, جاسوسپىرىمدەرگە, قالا تۇرعىندارىنا شىعارماشىلىقپەن اينالىسۋعا مۇمكىندىك بار. وقۋ ورنىنىڭ نازارباەۆ زياتكەرلىك مەكتەبى مەن وبلىستىق «دارىندى بالالارعا ارنالعان ليتسەي-ينتەرناتتىڭ 10-سىنىپ وقۋشىلارىمەن بىرلەسكەن جوبالارى دا بار. بۇل رەتتە «Flappy Brow» ميميكامەن باسقارىلاتىن ويىنى جانە «Sau-sulu» بيە ءسۇتى نەگىزىندەگى كۇتىم كوسمەتيكاسى دەپ اتالاتىن جوبالاردى ايتۋعا بولادى.
جالپى, بارلىق ستۋدەنت جاستاردى ناقتى ماقساتتارعا قول جەتكىزۋ ءۇشىن ۇتىمدى, تابىستى ءومىر سۇرە بىلۋگە شاقىرامىز. جوعارى ءبىلىم بەرۋدىڭ بىرىڭعاي باسەكەگە قابىلەتتى كەڭىستىگىن قۇرۋدىڭ ءمانى دە وسىندا.
– اڭگىمەڭىزگە راحمەت.
