بۇگىن, 15-ساۋىردە اتىراۋدا تۇڭعىش رەت كوشەتتەردىڭ جەرگىلىكتى تۇرعىندارعا تەگىن تاراتىلۋ اكتسياسى ءوتتى. «ارناۋلىاۆتوبازا» جشس-ءنىڭ اۋماعىندا ساعات 10-نان باستاپ تۇرعىندار كەزەككە تۇردى. تۇرعىندارعا اعاشتىڭ ءۇش ءتۇرى ۇسىنىلدى - ۇيەڭكى, شەتەن جانە قاراعاش.
- اعاشتاردى الۋ ءۇشىن تۇرعىندار وزدەرىنىڭ تەلەفون ءنومىرىن جانە مەكەن-جايىن قالدىرۋ كەرەك. 5 كوشەت الىپ, ودان ءارى ءتيىستى كۇتىم مەن سۋارۋدى قامتاماسىز ەتۋى قاجەت. ارنايى قۇرىلعان كوميسسيا تۇرعىنداردىڭ ءىس-ارەكەتتەرىنىڭ ورىندالۋىن باقىلايدى, - دەدى قالالىق تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ وندىرىستىك-تەحنيكالىق سەكتورىنىڭ جەتەكشىسى اكەسەن يبراگيموۆ.
اكەسەن يبراگيموۆتىڭ ايتۋىنشا, كوشەتتەر يندەر اۋدانىنان اكەلىنگەن, الەۋمەتتىك مەكەمەلەردە – بالاباقشالار مەن مەكتەپتەردە وتىرعىزىلادى.
ايتا كەتەيىك, اتىراۋدا ەكى ايلىق سانيتارلىق تازالاۋ جالعاسۋدا. ءساۋىر سەنبىلىكتەرىنىڭ اياسىندا وبلىس ورتالىعىندا جاسىل جەلەك وتىرعىزۋ جوسپارلانعان.
