«قاراعاندى وبلىسىنىڭ ازاماتتىق اليانسى» قاۋىمداستىعى» زاڭدى تۇلعالار بىرلەستىگى (زتب) مۇشەلەرى وسى ۇندەۋدى تالقىلاپ, پرەزيدەنت قاسىم-جومارت توقاەۆتىڭ شەشىمىن تولىق قولدادى.
كەزەكتەن تىس سايلاۋ بيلىكتىڭ تابىستى ءترانزيتىنىڭ كەپىلى بولادى دەپ ەسەپتەيمىز. سەبەبى بەلگىسىزدىكتىڭ وسى قىسقا كەزەڭىندە كوپتەگەن ۇدەرىستەر تەجەلەدى, بۇل ازاماتتىق سەكتوردىڭ كوپتەگەن ينستيتۋتتارىنا تولىققاندى جۇمىس ىستەۋىنە مۇمكىندىك بەرمەيدى.
الداعى سايلاۋ ازاماتتىق قوعام مەن ەلباسى نەگىزىن قالاپ كەتكەن مەملەكەت اراسىندا تىعىز بايلانىس ورناۋىنىڭ العاشقى كەزەڭى بولاتىنىنا ءبىز سەنىمدىمىز.
كەزەكتەن تىس سايلاۋ وتكىزۋ ەلىمىزدە قانداي دا ءبىر تۇراقسىزدىقتىڭ پايدا بولۋىنا جول بەرمەيدى. بۇل قوعامنىڭ بارلىق جۇيەلەرىنىڭ تولىققاندى جۇمىس ىستەۋى مۇمكىن بولمايتىن قوعامدىق تۇراقتىلىقتى, ەلىمىزدەگى ۇلتارالىق ىنتىماقتاستىقتى ساقتاۋعا كومەكتەسەدى.
ارينە زاڭدى تۇردە سايلانعان مەملەكەت باسشىسىنىڭ ۇزاق مەرزىم جۇمىس ىستەۋى ەل ازاماتتارىنىڭ ءال-اۋقاتىنىڭ وركەندەۋىنە باعىتتالعان ۇكىمەتتىك ەمەس سەكتوردىڭ جۇمىسى ءناتيجەلىلىگىنىڭ وسۋىنە كەپىلدىك بولادى.
بارلىق كەزدە حالىققا ايقىندىق پەن انىقتىق قاجەت بولاتىنى راس. قازىر ءبىز ايقىندىققا كەزەكتەن تىس سايلاۋ وتكىزۋ ارقىلى عانا قول جەتكىزەمىز.
VIII ازاماتتىق فورۋمدا ازاماتتىق قوعامدى دامىتۋعا مۇلدەم جاڭا كوزقاراس قاجەت ەكەندىگى انىقتالىپ, ونى دامىتۋدىڭ جاڭا تۇجىرىمداماسىن ءازىرلەۋ تۋرالى شەشىم قابىلداندى. بەلگىلەنگەن ماقساتتاردى تابىستى ىسكە اسىرۋ قازاقستاندىقتاردىڭ مەملەكەت باسشىسىن ءتۇپكىلىكتى تاڭداۋىنان كەيىن عانا مۇمكىن بولادى.
ءبىز ەلباسىنىڭ العا قويعان دامۋ باعىتىن ءاردايىم جانە تولىق كولەمدە قولدايمىز جانە جاڭادان سايلانعان ەل پرەزيدەنتىمەن قايتا قۇرۋ باعىتى تابىستى جالعاساتىنىنا سەنىمدىمىز.
جاڭا پرەزيدەنتتى سايلاۋ ەل ەكونوميكاسىنىڭ ءارى قاراي دامۋىنا جاڭا سەرپىن بەرەدى. بۇل نەگىزدە قوعامنىڭ الەۋمەتتىك ماسەلەلەرى اناعۇرلىم ءتيىمدى شەشىلەتىن بولادى. ءبىز مىقتى بيلىكتىڭ حالىقتىق مانداتپەن زاڭدى تۇردە جانە دەر كەزىندە سايلانۋىن قولدايمىز.
ازاماتتىق قوعامنىڭ بارلىق ينستيتۋتتارىن قازاقستان رەسپۋبليكاسى پرەزيدەنتىنىڭ قازاقستاندا كەزەكتەن تىس سايلاۋ وتكىزۋ تۋرالى ۇندەۋىن قولداۋعا شاقىرامىز.
سەرىك ساناۋباەۆ,
«قاراعاندى وبلىسىنىڭ ازاماتتىق اليانسى» قاۋىمداستىعى» زتب ۇيلەستىرۋ كەڭەسىنىڭ مۇشەسى
قاراعاندى
