گ.ابدىقالىقوۆا جامبىل وبلىسىنداعى جۇمىس ساپارىنىڭ ەكىنشى كۇنىن قازفوسفات جشس-نىڭ جاڭا جامبىل فوسفور زاۋىتىنان باستادى. وندا قالا جانە اۋدان اكىمدەرى, ءىرى كاسىپورىن جەتەكشىلەرى, بيزنەس وكىلدەرى جانە كاسىپوداق ۇيىمدارىمەن كەزدەسۋ ۇيىمداستىرىلدى. گ.ابدىقالىقوۆا قازىرگى تاڭدا ەل كولەمىندە كاسىپكەرلەر وزدەرىنىڭ جوعارى الەۋمەتتىك جاۋاپكەرشىلىكتەرىن تانىتىپ, كوپ بالالى جانە از قامتىلعان وتباسىلارعا كومەك بەرىپ جاتقانىنا توقتالدى. ايتا كەتەيىك, جامبىل وبلىسى بويىنشا قازىرگى كەزدە 14 كاسىپورىندا 272 كوپ بالالى قىزمەتكەر ەڭبەك ەتەدى. ونىڭ 217-ءسىنىڭ جەكە باسپاناسى جوق. مىسالى, «جامبىل ەلەكتر جەلىسى جۇيەلەرى» جشس-دا ەڭبەك ەتەتىن 60 كوپ بالالى قىزمەتكەردىڭ 49-ىنىڭ جەكە باسپاناسى جوق. ۆيتسە-پرەمەر كاسىپورىن باسشىلارىنان بۇل قىزمەتكەرلەردىڭ الەۋمەتتىك ماسەلەلەرىن شەشىپ قانا قويماي, ولاردىڭ جۇمىس كەستەسىن دە قولايلى جاعدايعا ىڭعايلاستىرىپ بەرۋىن سۇرادى.
كەلەسى كەزەكتە گ.ابدىقالىقوۆا باستاعان جۇمىس توبى ى.دۇكەن ۇلى اتىنداعى قالالىق مادەنيەت ۇيىندە تارازدىق تۇرعىندارمەن كەزدەستى. باسقوسۋعا كوپ بالالى انالار, از قامتىلعان وتباسى مۇشەلەرى, ەڭبەك ارداگەرلەرى, مۇمكىندىگى شەكتەۋلى ازاماتتار جانە ءبىلىم بەرۋ, دەنساۋلىق ساقتاۋ, مادەنيەت سالالارىنىڭ قىزمەتكەرلەرى قاتىستى.
باسقوسۋدا ءسوز العان گۇلشارا ناۋشاقىزى ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنىڭ نەگىزگى باعىتتارى قازىرگى تاڭداعى الەۋمەتتىك-ساياسات شەڭبەرىندە, ءاربىر تۇرعىننىڭ تۇرمىس ساپاسىن ارتتىرۋ ماقساتىندا جۇزەگە اسىرىلىپ جاتقانىن اتاپ ءوتتى. كەزدەسۋ سوڭىندا تۇرعىندار ۇكىمەتتىك جۇمىس توبىنىڭ مۇشەلەرىنە كوكەيلەرىندەگى ساۋالدارىن جولداپ, ناقتى جاۋاپتار الدى.
بۇدان سوڭ پرەمەر-ءمينيستردىڭ ورىنباسارى تاراز قالالىق №5 ەمحاناعا ات باسىن بۇردى. ەمدەۋ مەكەمەسىنىڭ جۇمىسىمەن تانىسقان گ.ابدىقالىقوۆا جامبىل وبلىسىنداعى العاشقى مەديتسينالىق-سانيتارلىق كومەك كورسەتۋ ماسەلەلەرى بويىنشا جيىن وتكىزدى. بۇگىنگى تاڭدا وبلىس بويىنشا حالىققا دەنساۋلىق ساقتاۋ جۇيەسىنىڭ 30 اۋرۋحانا جانە 148 امبۋلاتورلىق-ەمحانالىق ۇيىمدارى مەديتسينالىق كومەك كورسەتۋدە. باستاپقى مەديتسينالىق-سانيتارلىق كومەك كورسەتەتىن دارىگەرلەر ۇلەسى بارلىق دارىگەرلەردىڭ 60,4 پايىزىن قۇرايدى. قازىرگى كەزدە ايماقتا مەملەكەتتىك-جەكەمەنشىك ارىپتەستىك شەڭبەرىندە 31 جوبا ىسكە اسۋدا. سونداي-اق رەسپۋبليكالىق بيۋدجەت ەسەبىنەن وبلىس ورتالىعىندا 200 ورىندىق ونكولوگيالىق ديسپانسەر قۇرىلىسى جۇرگىزىلۋدە. ۆيتسە-پرەمەر العاشقى مەديتسينالىق-سانيتارلىق كومەك كورسەتۋ ينفراقۇرىلىمىنىڭ دامۋ دەڭگەيىنە كوڭىل ءبولدى. كۇننىڭ ەكىنشى جارتىسىندا گۇلشارا ناۋشاقىزى جامبىل جوعارى پوليتەحنيكالىق كوللەدجىنىڭ ماتەريالدى-تەحنيكالىق بازاسىمەن تانىسىپ, كوللەدج ستۋدەنتتەرىمەن ەركىن فورماتتا كەزدەسۋ وتكىزدى. كەزدەسۋگە قاتىسقان جاستار مەملەكەتتىڭ جۇرگىزىپ وتىرعان جاستار ساياساتىن قولدايتىندارىن جەتكىزىپ, ورامدى ويلارىن ورتاعا سالدى. جيىندا ادام كاپيتالىنىڭ دامۋىنىڭ نەگىزى بولىپ سانالاتىن بىلىمنەن باستاپ, الەۋمەتتىك-ەڭبەك ساياساتىنىڭ وزەكتى قىرلارى تالقىلاندى. جامبىل اۋدانىنىڭ تۇرعىنى ماحانبەت راحىمجانوۆ جاستاردى جۇمىسپەن قامتۋ ماسەلەسىنىڭ وزەكتىلىگىنە توقتالىپ, ءبىرقاتار ۇسىنىسىن جەتكىزدى.
جامبىل وبلىسىنداعى جۇمىس ساپارىنىڭ سوڭىندا پرەمەر-مينيستردىڭ ورىنباسارى وبلىس باسشىلىعىنا بىرقاتار ناقتى تاپسىرما جۇكتەدى.
جامبىل وبلىسى
