ولاردىڭ ەكەۋىنىڭ دە ەسىمدەرى جانكۇيەرلەرگە جاقسى تانىس. قازاقستاندا, ناقتىراق ايتساق قاراعاندى وبلىسىندا تۋىپ-وسكەن 28 جاستاعى كريستينا حاممەر توقسانىنشى جىلداردىڭ باسىندا اتا-اناسىمەن بىرگە گەرمانياعا قونىس اۋداردى. سول جاقتى كاسىپقوي بوكسپەن شۇعىلدانىپ, 2009 جىلى تۇساۋكەسەر كەزدەسۋىن وتكىزدى. سول 10 جىل ارالىعىندا 25 رەت رينگكە كوتەرىلىپ, بىردە-ءبىر رەت جەڭىلمەگەن ەدى. كريستينا بىرنەشە نۇسقا بويىنشا الەم چەمپيونى اتاعىنىنىڭ يەگەرى.
24 جاستاعى كلارەسسا شيلدس اقش-تىڭ ميچيگان شتاتىنىڭ تۋماسى. ول ەكى دۇركىن وليمپيادا جانە ەكى دۇركىن الەم چەمپيونى. پانامەريكا ويىندارىنىڭ جەڭىمپازى. 2016 جىلدان بەرى امەريكالىق بوكسشى كاسىپقويلار اراسىندا باق سىناۋدا. سول ارالىقتا 8 كەزدەسۋ وتكىزىپ, بارلىعىندا باسىمدىق تانىتتى. ونىڭ دا الەم چەمپيونى دەگەن اتاعى بار.
قوس مىقتىنىڭ اراسىنداعى تارتىس 10 راۋندقا سوزىلىپ, تورەشىلەر جەڭىسكە كلارەسسا شيلدس لايىق دەپ شەشتى. وسىلايشا, گەرمانيانىڭ تۋى استىندا ونەر كورسەتىپ جۇرگەن قازاقستاننىڭ تۋماسى ءوزىنىڭ كارەراسىندا العاش رەت جەڭىلىپ قانا قويماي, التىن بەلبەۋىنەن دە ايىرىلدى.
