30 جاستاعى جەرلەسىمىز نەمىس بىلعارى قولعاپ شەبەرى ەۆگەني بۋحميۋللەرمەن كۇش سىناسادى. بۇل جىگىت بىزگە بوتەن ەمەس. 38 جاستاعى ەۆگەني اقمولا وبلىسىنا قاراستى جاڭعىزقۇدىق اۋلىندى تۋىپ-وسكەن. كەيىننەن اتا-اناسىمەن بىرگە گەرمانياعا قونىس اۋداردى. كاسىپقوي رينگتە ول 19 كەزدەسۋ وتكىزىپ, 15 رەت جەڭىسكە جەتتى. ءوزىنىڭ سوڭعى جەكپە-جەگىن بۋحميۋللەر بىلتىرڭى جىلى قىتايدىڭ ايگىلى بوكسشىسى, بەيجىڭ وليمپياداسىنىڭ كۇمىس جۇلدەگەرى جانگ جيلەيگە قارسى وتكىزىپ, ۇتىلىپ قالدى.
جان كوسوبۋتسكي قوستاناي وبلىسى ارقالىق قالاسىنىڭ تۋماسى. اۋەسقوي رينگتە 91 جانە +91 كيلو سالماق دارەجەلەرىن بويىنشا جۇدىرىقتاسىپ, قازاقستاننىڭ ءۇش دۇركىن چەمپيونى اتاندى. ەكى رەت ەل بىرىنشىلىگىندە جۇلدەگەرلەر قاتارىنا قوسىلدى. 2013 جىلى قازاندا الاۋى تۇتانعان دۇنيەجۇزىلىك ۋنيۆەرسيادادا كۇمىس مەدالدى يەلەندى.
2017 جىلدان بەرى جان كاسىپقويلار اراسىندا باق سىناۋدا. سول ارالىقتا جەرلەسىمىز ءوزىنىڭ 9 كەزدەسۋىنىڭ بارلىعىندا جەڭىسكە جەتتى. سول باسەكەلەردىڭ سەگىزى مەرزىمىنەن بۇرىن اياقتالدى.
