ناتيجەسىندە, ۋسپەن اۋدانىنداعى ىشكى ىستەر ءبولىمى, مەملەكەتتىك كىرىستەر ءبولىمى, اۋداندىق سوت, شارباقتى اۋدانى ىشكى ىستەر ءبولىمى مەكەمەلەرىنىڭ اۋماعىندا, پاۆلودار اۋدانى ەفرەموۆكا, روزوۆكا اۋىلدارىندا تازالىق ساقتالماعانى انىقتالعان.
سونىمەن قاتار, قوقىستى شىعارۋ مەن كورىكتەندىرۋ جۇمىستارىنا نازار اۋدارماعان «قازاقستان تەمىر جولى» اق وبلىستىق فيليالى, «پاۆلودار نان-توقاش كومبيناتى», «پاۆلودار-تۇز», «ايسۋ-مەليوراتسيا» جشس-ى دا بار.
وبلىستىق اكىمدىك وتىرىسىندا اينالاسىنداعى تازالىققا ءمان بەرمەيتىن مەكەمەلەر مەن كاسىپورىندارعا ايىپپۇل سالۋ تاپسىرىلدى.
ال وبلىس ورتالىعىندا وتكەن جىلى جەكە جانە زاڭدى تۇلعالارعا 8,2 ميلليون تەڭگە, بيىل 1,2 ميلليون تەڭگە ايىپپۇل سالىنعان.
وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتىنشە, بيىل ءارتۇرلى دەڭگەيدەگى بيۋدجەتتەن كورىكتەندىرۋ, اباتتاندىرۋ جانە سانيتارلىق تالاپتى ساقتاۋ ءۇشىن 10,3 ملرد تەڭگە ءبولىنىپتى.
بۇل قارجىعا 33 مىڭ كوشەت ساتىپ الۋ دا جوسپارلانعان.
بىراق, ەكىباستۇز قالاسىنىڭ اكىمى نۇرجان اشىمبەتوۆ «ەرتىس ورمانىنان» 30 مىڭ كوشەتتى ساتىپ العاندارىن مالىمدەدى.
باسقارمانىڭ مالىمەتىنشە, وبلىس ورتالىعى 15,7 مىڭ, اقسۋ قالاسى 10 مىڭ كوشەت وتىرعىزباق.
ال اكىمدىك وتىرىستارىندا قۇرعاق مالىمەتتەر بەرە سالۋعا ۇيرەنىپ قالعان باسقارما باسشىلارى قاپتاعان سانداردان جاڭىلا باستادى.
ءسويتىپ, وبلىس بويىنشا 33 مىڭ كوشەت وتىرعىزىلادى دەگەن دەرەك سايكەس كەلمەي قالدى.
پاۆلودار
