جارىستىڭ العاشقى كۇنى كەرەمەت قارقىن تانىتقان ۋكراينا قۇراماسى ءۇش سالماق دارەجەسىندە توپ جارىپ, بولگاريا مەن تۇركيا بالۋاندارىنا ءبىر-ءبىر باس جۇلدەدەن بۇيىرعان ەدى. كەلەسى كۇنى ۋكراينالىقتار جەڭىپ العان التىندارىنىڭ سانىن تورتكە جەتكىزىپ, جالپى كوماندالىق ەسەپتە جەكە-دارا كوش باستادى. بولگاريانىڭ دا ءانۇرانى بۋحارەستە ەكىنشى مارتە شىرقالدى. سونداي-اق, سول كۇنى رەسەي, ۆەنگريا جانە ازەربايجاننىڭ دا سپورتشىلارى جەڭىس تۇعىرىنىڭ ەڭ بيىك ساتىسىنا كوتەرىلدى.
ەۋروپا چەمپيوناتىنىڭ جەڭىمپازدارى جانە جۇلدەگەرلەرى:
53 كيلو: 1. ستالۆيرا ورشۋش (رەسەي) 2. ليليا حوريشنا (ۋكراينا) 3. ۆانەسسا كولودينسكايا (بەلارۋس) 3. دجەسسيكا بلاجكا (گوللانديا)
55 كيلو: 1. يرينا گۋسياك (ۋكراينا) 2. ەۆەلينا نيكولوۆا (بولگاريا) 3. اندرەا انا (رۋمىنيا) مەن بەديحا گان (تۇركيا)
59 كيلو: 1. بيليانا دۋدوۆا (بولگاريا) 2. سۆەتلانا ليپاتوۆا (رەسەي) 3. ەلميرا گامباروۆا ء(ازىربايجان) مەن ەليف ەسيليرماك (تۇركيا)
62 كيلو: 1. تايبە يۋسەين (بولگاريا) 2. اۆرورا كامپانيا (يتاليا) 3. مارياننا شاستين (ۆەنگريا) 3. تاتيانا ومەلچەنكو ء(ازىربايجان)
68 كيلو: 1. اللا چەركاسوۆا (ۋكراينا) 2. ادەلا حازليكوۆا (چەحيا) 3. دجەنني فرانسسون (شۆەتسيا) مەن اناستاسيا گريگورەۆا (لاتۆيا)
76 كيلو: 1. ياسەمين ادار (تۇركيا) 2. مارتينا كيۋنتس (اۆستريا) 3. جانەتت نەمەش (ۆەنگريا) پەن ەلين فوكەن (گەرمانيا)
بۇگىن جانە ەرتەڭ گرەك-ريم كۇرەسى شەبەرلەرى اراسىنداعى باسەكەلەر بارىسىندا ەۋروپا چەمپيونى اتاعى قاي بالۋاندارعا بۇيىراتىنى بەلگىلى بولادى.
