ايماقتار • 12 ءساۋىر، 2019

وسكەمەندە قانىش ساتپاەۆتىڭ قۇرمەتىنە اۋديتوريا اشىلدى

1062 رەتكورسەتىلدى

بۇگىن وسكەمەندەگى د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە قازاقستان عىلىم قىزمەتكەرلەرىنىڭ كۇنى جانە ايگىلى عالىم قانىش ساتپاەۆتىڭ 120 جىلدىعىنا وراي وقۋ ورنىندا گەولوگ اتىنداعى اتاۋلى اۋديتوريا اشىلىپ، حالىقارالىق عىلىمي-تاجىريبەلىك كونفەرەنسيا ءوتتى.

اۋديتوريانىڭ اشىلۋ سالتاناتىنا داڭقتى تۇلعانىڭ جيەنى، گەولوگيا-مينەرالوگيا عىلىمدارىنىڭ دوكتورى الەكساندر ترەتياكوۆ الماتىدان ارنايى كەلىپتى. ؛

«بۇگىن قازاقستان عىلىم قىزمەتكەرلەرىنىڭ كۇنى عانا ەمەس، قانىش يمانتايۇلىنىڭ دا تۋعان كۇنى. وسى رەتتە ءبىز ۋنيۆەرسيتەتىمىزدىڭ گ1-301 اۋديتورياسىنا عۇلاما عالىم ەسىمىن بەرۋدى ءجون دەپ شەشتىك»، - دەدى اۋديتوريانىڭ اشىلۋىندا ءسوز سويلەگەن وقۋ ورنىنىڭ پرورەكتورى ولەگ گاۆريلەنكو.

قانىش ساتپاەۆ اتىنداعى سۋ جاڭا اۋديتوريادا وتكەن كونفەرەنسيادا ءسوز العان عالىمنىڭ جيەنى گەولوگتىڭ ادامگەرشىلىك قاسيەتتەرى جايىندا ەستەلىك ايتتى. ؛

«ول كىسىنىڭ ادامدىق كەلبەتىن، قاراپايىمدىلىعىن كورسەتەتىن ءۇش قاسيەتىنە توقتالسام دەيمىن. ءبىرىنشىسى، حح عاسىردىڭ 30 جىلدارىنىڭ باسىندا، ەلدىڭ جاعدايى قيىن كەزدە، رەپرەسسيا قارقىن الىپ تۇرعان شاقتا اعىلشىندار جەزقازعانعا بارلاۋ جۇرگىزۋدىڭ قاجەتى جوقتىعىن جەتكىزىپ، «مۇنداعى كەن ورنىنىڭ بولاشاعى جوق» دەگەن پىكىر ايتادى. قانىش يمانتايۇلى بۇل كەزدە بار بولعانى 34 جاستا ەدى. الايدا ول العان بەتىنەن قايتپاي نىساننىڭ ماڭىزدىلىعىن، بارلاۋ جۇمىسىن جۇرگىزۋ كەرەكتىگىن دالەلدەپ، اقىرى كەن ورنىن اشۋعا قول جەتكىزەدى. ەگەر ونىڭ ايتقانى دۇرىس كەلمەسە، اتىلىپ تا كەتەر مە ەدى. ؛

ەكىنشىسى، گەولوگتىڭ ۇلىبريتانياعا بارۋى. سول ساپارىندا وسى ەلدىڭ ەكس پرەمەر-مينيسترى ۋ.چەرچيلل قالجىڭداپ: «بارلىق قازاقتار ءسىز سياقتى سۇڭعاق، باتىر تۇلعالى ما؟» دەپ سۇراپتى. سوندا اكادەميك «و، جوق، چەرچيلل مىرزا، قازاقتاردىڭ ىشىندەگى ەڭ كىشىسى مەن، حالقىم مەنەن دە بيىك» دەپ جاۋاپ بەرىپتى.

 ؛نەگىزى ول كىسىنىڭ بويى 2 مەترگە جۋىق بولعان. ءۇشىنشىسى، عالىم ءومىرىنىڭ سوڭعى جىلدارىندا قاتەرلى ىسىككە شالدىققاندا دارىگەرلەر شەت ەلدە ەم الۋعا كەڭەس بەرىپتى. قانىش يمانتايۇلى ەكى اپتاداي ويلانىپ، دارىگەرلەرگە: ««مەنىڭ پاۆلودارلىق جەرلەستەرىمنىڭ كوبى ءتىپتى الماتى مەن ماسكەۋگە جەتە الماي ءجۇر. مەن شەت ەلگە بارا المايمىن» دەپ شەت ەلگە بارۋدان باس تارتىپتى. سودان سوڭ 4 جىلداي تىرلىك كەشىپ، ومىردەن ءوتتى عوي»، - دەيدى الەكساندر ترەتياكوۆ.

قازاقستان شىققان تۇڭعىش اكادەميكتىڭ جيەنى ءسوزىنىڭ سوڭىندا «وسكەمەندىكتەردىڭ قانىش يمانتايۇلىن ەرەكشە قۇرمەتتەيتىندىكتەرىن جاقسى بىلەمىز. بۇعان وبلىس ورتالىعىندا ۇلكەن داڭعىلدىڭ بەرىلۋى دالەل. الماتىدا، استانادا، پاۆلودار پەن قاراعاندىدا قانىش ساتپاەۆقا ەسكەرتكىش قويىلعان. تۇلعاعا وسكەمەندە دە ءبىر ەسكەرتكىش ورناتىلسا دەگەن تىلەگىم بار. بۇل ۇسىنىسىمدى اكىمدىك قولدايدى دەپ سەنەمىن»، - دەپ ۇسىنىسىن جەتكىزدى. ؛

وسكەمەن


باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار