«جالپىعا بىردەي دەنساۋلىق» ۇرانىمەن قوعامدىق دەنساۋلىق ساقتاۋ ۇلتتىق ورتالىعىنىڭ باستاماسى بويىنشا قازاقستانداعى دۇنيەجۇزىلىك دەنساۋلىق ساقتاۋ ۇيىمىنىڭ تۇراقتى وكىلى ولەگ چەستنوۆ, بەلگىلى ءانشى, «قازاقستان داۋىسى» بايقاۋىنىڭ جەڭىمپازى شاhاريزات سەيداحمەت, مەكتەپ وقۋشىلارى جانە مۇعالىمدەردىڭ قاتىسۋىمەن جاپپاي جاتتىعۋ ءوتتى. اتالعان مەكتەپتە بالالار مەن ءجاسوسپىرىمدەردىڭ دەنساۋلىعىن نىعايتۋعا, دەنساۋلىققا دەگەن ساۋاتتى كوزقاراس قالىپتاستىرۋعا, ونى قولداۋ تەتىكتەرىن قۇرۋ ءۇشىن جاعداي جاساۋعا باعىتتالعان «دەنساۋلىقتى نىعايتۋعا ىقپالداساتىن مەكتەپتەر» جوباسى ءىسكە اسىرىلىپ جاتقانىن ايتا كەتكەن ءجون. جاپپاي جاتتىعۋلار وتكىزۋدىڭ ماقساتى – بالالار مەن جاسوسپىرىمدەردى دەنساۋلىعىنا ۇقىپتى قاراۋعا تاربيەلەۋ, سالاماتتى ءومىر سالتى +ماشىقتارىن قالىپتاستىرۋ. بالالار سەمىزدىگى مەن باسقا دا جۇقپالى ەمەس اۋرۋلاردىڭ دەڭگەيى ارتىپ كەلە جاتقان جاعدايدا دەنساۋلىق مادەنيەتىن دامىتۋعا ىقپال ەتەتىن وسىنداي باستامالار دەنساۋلىقتى ساقتاۋ جانە نىعايتۋدىڭ ماڭىزىن ءسوزبەن عانا ەمەس, ءىس جۇزىندە دە كورسەتتى. دەنە بەلسەندىلىگى, قيمىل-قوزعالىس زەيىندىلىك پەن وقۋ قابىلەتىن جاقسارتادى, كۇيزەلىستەن ارىلتادى. ءارى دۇرىس سالماقتى ۇستاپ تۇرۋ ءۇشىن دە وتە ماڭىزدى ءرول اتقارادى», دەيدى ۇيىمداستىرۋشىلار.
وسى كۇنى جاپپاي جاتتىعۋ №83 مەكتەپ-گيمنازياسىنىڭ 1300-دەن استام وقۋشىلارى مەن مۇعالىمدەرى, سونداي-اق بۇۇ بالالار قورىنىڭ قازاقستانداعى وكىلىنىڭ ورىنباسارى ۆەرونيكا ۆاششەنكو, دەنساۋلىق ەلشىسى, گيننەس رەكوردتار كىتابىنىڭ 7 دۇركىن رەكوردشىسى, الەمنىڭ ءىرى ءشول دالالارىن شارلاپ وتكەن جالعىز ادام مارات جىلانباەۆتىڭ قاتىسۋىمەن استاناداعى ترياتلون ساياباعىندا دا وتكىزىلدى. مۇنداي جاتتىعۋلار وڭىرلەردەگى مەكتەپتەردە دە وتكىزىلەتىنىن ايتا كەتكەن ءلازىم.
