ماسكەۋدە وتكەن ماتچ 2:2 ەسەبىمەن تەڭ اياقتالدى. «قايراتتىڭ» ساپىنان ەدسون مەن داۋرەن تۇرساگۇلوۆ گول سوقسا, جەرگىلىكتى ويىنشىلار اراسىنان يانار اسادوۆ پەن اندرەي افاناسەۆ مەرگەندىك تانىتتى. ەگەر رەسەي قۇراماسىنىڭ الەم چەمپيوناتىنىڭ ەكى دۇركىن جۇلدەگەرى (1996, 2006), ەۋروپا بىرىنشىلىگىندە ءبىر التىن (1999), بەس كۇمىس (1996, 2005, 2012, 2014, 2016) جانە ءۇش قولا (2001, 2007, 2018) مەدالدى يەلەنگەنىن ەسكەرسەك, جەرلەستەرىمىزدىڭ بۇل ناتيجەسىن جاقسى دەپ باعالاعان ءجون.
الداعى كۇندەرى «قايرات» رەسەيدىڭ سۋپەرليگاسىندا ونەر كورسەتەتىن نوريلسكىنىڭ «نوريلسكي نيكەل» كلۋبىمەن كۇش سىناسادى.
ال ءساۋىر ايىنىڭ سوڭىندا الماتىدا وتەتىن ۋەفا كۋبوگىنىڭ «تورتتىك فينالىندا» الماتىنىڭ «قايراتى» پورتۋگاليانىڭ «سپورتينگ» جانە يسپانيانىڭ «بارسەلونا» مەن «ينتەر موۆيستار» كلۋبتارىمەن شەبەرلىك بايقاسادى.
