الماتى قالاسىندا ۇيىمداستىرىلعان ايتۋلى دودادا ەلىمىزدىڭ 15 جوعارى وقۋ ورىندارىنىڭ ستۋدەنتتەرى باق سىنادى. جارىستىڭ كوماندالىق ەسەبىندە الماتىدا ورنالاسقان ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەكتەرى الدارىنا جان سالماي, باس جۇلدەنى ولجالادى. ەكىنشى ورىندى ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتى يەلەنسە, ءۇشىنشى ساتىعا د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى تابان تىرەدى.
ماراپاتتاۋ رەسىمىن «سالاۋاتتى ءومىر سالتى» كافەدراسىنىڭ ديرەكتورى اناتولي ارەششەنكو, قازاقاستان رەسپۋبليكاسى ءبىلىم جانە عىلىم مينيسترىلىگى ۇلتتىق عىلىمي-پراكتيكالىق دەنە تاربيەسى ورتالىعىنىڭ الماتى قالالىق فيليالىنىڭ ديرەكتورى زويا ايتباەۆا جانە وسى جارىستىڭ باس تورەشىسى مالىك بەيساعاليەۆ جۇرگىزىپ, جارىس جەڭىمپازدارى مەن جۇلدەگەرلەرىنە ۋنيۆەرسيادانىڭ ديپلومدارى, مەدالدارى جانە كۋبوكتارىن تابىس ەتتى.
