سەيسەنبىدەن بەيسەنبىگە قاراعان ءتۇنى تاعى قوس كەزدەسۋ ءوتتى. انگليانىڭ «مانچەستەر يۋنايتەدى» ءوز الاڭىندا يسپانيانىڭ «بارسەلوناسىن» قابىلدادى. باسەكە تاعدىرىن 13-مينۋتتاعى ليۋك شوۋدىڭ اۆتوگولى شەشتى. العاشىندا تورەشى وففسايد بەلگىلەگەن ەدى, الايدى بەينەقايتالاۋدى كورگەننەن كەيىن سوعىلعان گول ەسەپكە الىندى – 0:1. وسىلايشا, كاتولونيالىق كلۋب سىرت الاڭدا جەڭىسكە جەتتى.
گوللانديانىڭ «اياكسى» يتاليانىڭ «يۋۆەنتۋسىمەن» شەبەرلىك بايقاستى. 45-مينۋتتا كريشتۋانۋ رونالدى سوققان گولدان كەيىن قوناقتار العا شىققان ەدى. بىراق بۇل جاعداي الاڭ يەلەرىنىڭ ەڭسەسىن تۇسىرە العان جوق. ەكىنشى كەزەڭ باستالعان بەتتە داۆيد نەرەس تارازى باسىن تەڭەستىردى – 1:1.
قارىمتا كەزدەسۋلەر كەلەسى اپتادا وتەدى. 16-شى ساۋىردەن 17-سىنە قاراعان ءتۇنى «يۋۆەنتۋس» «اياكستى» جانە «بارسەلونا» «مانچەستەر يۋنايتەدتى» قابىلدايدى. 17-ءشى ساۋىردەن 18-ىنە قاراعان ءتۇنى «پورتۋ» مەن «ليۆەرپۋل» جانە «مانچەستەر سيتي» مەن «توتتەنحەم» كۇش سىناسادى.
