سپورت • 11 ءساۋىر، 2019

جحل: فينالدىق سايىستىڭ كەستەسى بەلگىلى

740 رەت كورسەتىلدى

جوعارى حوككەي ليگاسىنىڭ (جحل) پەتروۆ كۋبوگى جولىنداعى جارىستىڭ فينالدىق سايىستارى قاي كۇندەرى وتەتىنى بەلگىلى بولدى.

اقتىق سىندا قوس كوماندانىڭ ءوزارا كۇش سىناسادى. ولار – قاراعاندىنىڭ «سارىارقاسى» مەن تۇمەننىڭ «ءرۋبينى». جەرلەستەرىمىز وسى كەزەڭگە دەيىن يۋگرا (حانتى-مانسيسك)، «نەفتيانيك» (المەتەۆسك) جانە «سكا-نەۆا» (سانكت-پەتەربۋرگ) كلۋبتارىن قاپى قالدىردى. تۇمەننىڭ تۇلەكتەرى «ريازان حك» (ريازان)، «زۆەزدا» (ماسكەۋ) جانە «توروسقا» (نەفتەكامسك) تىزە بۇكتىردى. ءسويتىپ، ولار پەتروۆ كۋبوگى ءۇشىن تالاسۋ قۇقىعىنا يە بولدى.

العاشقى قوس كەزدەسۋ 16 جانە 17 ساۋىردە تۇمەندە وتەدى. بۇل باسەكەلەر نۇر-سۇلتان ۋاقىتى بويىنشا 20:00-دە باستالادى. 20 جانە 21 ساۋىردەگى سايىستار قاراعاندىدا وتەدى. وسى ويىندار 17:00-دە باستالادى دەپ بەلگىلەنىپ وتىر. ەگەر وسى ءتورت باسەكە بارىسىندا جەڭىمپاز انىقتالماسا، وندا قوسىمشا ماتچتار وتەتىن بولادى.

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار