سپورت • 11 ءساۋىر، 2019

بوكس: حاممەر مەن ءشارىپوۆا ۇلتتىق قۇراماعا شاقىرتۋ الدى

820 رەت كورسەتىلدى

بوكستان قازاقستاننىڭ ايەلدەر قۇراماسىنىڭ باس باپكەرى ۆاديم پريسياجنيۋك كاسىپقوي رينگتە كۇش سىناسىپ جۇرگەن فيرۋزا ءشارىپوۆا مەن كريستينا حاممەردى ەلىمىزدىڭ باس كومانداسىنا شاقىردى.

وعان سەبەپ بولعان مىنا جايت: وسىعان دەيىن ءشارىپوۆا مەن حاممەر وليمپيا ويىندارىندا قازاقستاننىڭ تۋى استىندا ونەر كورسەتكىسى كەلەتىندەرىن سان مارتە مالىمدەگەن. الايدا ونداي مۇمكىندىك بەرىلمەي وتىرعاندىعىن ايتىپ، ۇلتتىق قۇراما باپكەرىنە ولار ءوز-وكپە نازدارىن ءبىلدىردى. وسى ورايدا، فيرۋزا «پريسياجنيۋك مەنى كوزىنە دە ىلگەن جوق» دەپ باس باپكەردى ايىپتاعانداي بولدى. وسى سوزدەردەن كەيىن ايتۋلى مامان كاسىپقويلار اراسىندا ەلەۋلى تابىستارعا قول جەتكىزىپ ۇلگەرگەن قوس بوكسشىنى ەلىمىزدىڭ باس كومانداسىنا شاقىرتتى.  

ءبىر نارسە تىندىرعىسى كەلگەن ادام بوس سويلەي بەرمەي، ناقتى ىسكە كوشۋگە ءتيىس. ءبىز فيرۋزا شارىپوۆاعا ءبىر ەمەس، بىرنەشە مارتە شاقىرتۋ جولداعانبىز. كريستينا حاممەردىڭ دە تۋىعان-تۋىستارىنا تەلەفون شالدىق. الايدا ولاردىڭ قولدارى تيمەدى. ەندى مەن باس باپكەر رەتىندە قازاقستان بوكس فەدەراتسياسىنىڭ اتىنان ەكەۋىن دە الداعى جارىستار – مامىر ايىندا شىمكەنتتە وتەتىن  رەسپۋبليكالىق سپارتاكيادا نەمەسە شىلدەدە نۇر-سۇلتاندا جالاۋى جەلبىرەيتىن پرەزيدەنت كۋبوگى جولىنداعى تۋرنيرگە رەسمي تۇردە شاقىرتىپ وتىرمىن. ولارعا بارىنشا قولداۋ كورسەتىلەنىنىنە كەپىلدىك بەرەمىن. توكيو وليمپياداسىنىڭ الاۋى تۇتانۋىنا از عانا ۋاقىت قالدى. بەلدى بەكەم بۋاتىن كەز كەلدى. نەمەسە بوز ءسوزدى قويىپ، وسى تاقىرىپتىڭ نۇكتەسىن قويايىق، – دەپ مالىمدەدى ۆاديم پريسياجنيۋك.
سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار