ق. ا. ياسساۋي اتىنداعى حالىقارالىق قازاق–تۇرىك ۋنيۆەرسيتەتىنىڭ مادەنيەت سارايىندا كوپ بالالى انالارمەن, از قامتىلعان وتباسىلارمەن, ەڭبەك ارداگەرلەرىمەن, مۇمكىندىكتەرى شەكتەۋلى جاندارمەن, ءبىلىم جانە دەنساۋلىق ساقتاۋ سالاسىنىڭ قىزمەتكەرلەرىمەن كەزدەسۋلەر ءوتتى.
«بۇگىندە مەملەكەتتىك ساياساتتىڭ نەگىزگى باسىمدىعى حالىقتىڭ لايىقتى تۇرمىس دەڭگەيىن قامتاماسىز ەتۋ. رەسپۋبليكالىق بيۋدجەتتەن الەۋمەتتىك سالاعا بارلىق شىعىنداردىڭ 45% باعىتتالدى. ءتۇرلى باعدارلامالار اياسىندا اۋقىمدى الەۋمەتتىك ينۆەستيتسيالار ىسكە اسىرىلۋدا. ەڭ باستىسى, الەۋمەتتىك ساياسات تەڭدەستىرىلگەن جانە الەۋمەتتىك اسىراۋدا بولۋعا يتەرمەلەمەۋى كەرەك» دەدى گ. ابدىقالىقوۆا.
حالىقپەن كەزدەسۋ اياقتالعاننان كەيىن گ. ابدىقالىقوۆا از قامتىلعان ازاماتتارعا الەۋمەتتىك قولداۋ كورسەتۋ بويىنشا مەملەكەتتىك شارالاردى ءتۇسىندىرۋ بويىنشا ازاماتتاردىڭ جەكە قابىلداۋىن وتكىزدى.
تۇركىستان وبلىسىندا قر پرەمەر-ءمينيسترىنىڭ ورىنباسارى كۇلتوبە قالاشىعىنداعى عىلىمي-رەستاۆراتسيالىق جۇمىستارمەن تانىستى جانە مەملەكەتتىك ورگانداردىڭ, ۆەدومستۆوعا باعىنىستى مەكەمەلەردىڭ جانە يۋنەسكو-نىڭ حالىقارالىق ساراپشىلارىنىڭ وكىلدەرىمەن كەزدەسۋ وتكىزدى. كەڭەس بارىسىندا قازاقستاننىڭ تاريحي مۇراسى — ق. ا. ياسساۋي كەسەنەسىن ساقتاۋ ماسەلەلەرى تالقىلاندى. كەڭەس قورىتىندىسى بويىنشا ناقتى تاپسىرمالار بەرىلدى.
ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ حالىقتى جۇمىسپەن قامتۋ ورتالىعىنىڭ جۇمىسىن تەكسەرىپ, جاڭا فورماتتا اتاۋلى الەۋمەتتىك كومەك كورسەتۋ پروتسەسىمەن تانىستى. بۇگىنگى تاڭدا وبلىستا ااك الۋشىلار سانى 207 مىڭنان 283 مىڭ ادامعا دەيىن ارتتى, وسى ماقساتتارعا قارجى قاجەتتىلىگى 14 ملردتان 45 ملرد تەڭگەگە دەيىن ءوستى.
جۇمىس توبى «كەنتاۋ ترانسفورماتور زاۋىتى» اق بازاسىندا اۋداندار, قالالار اكىمدەرىمەن, ونەركاسىپتىك كاسىپورىنداردىڭ باسشىلارىمەن, بيزنەس-قۇرىلىمدار, كاسىپوداقتىق ۇيىمدار باسشىلارىمەن كەڭەس وتكىزدى. گ. ابدىقالىقوۆا ونەركاسىپتىك كاسىپورىنداردىڭ, بيزنەس قۇرىلىمداردىڭ باسشىلارىن وزدەرىنىڭ تابىسى تومەن قىزمەتكەرلەرىن قولداۋعا, تۇرعىن ءۇي ساتىپ الۋعا كومەكتەسۋگە, ولاردى جوندەۋگە قاراجات بولۋگە, باسپانا نەسيەلەرى بويىنشا باستاپقى جارنالاردى تولەپ بەرۋگە شاقىردى.
بۇگىندە ءوڭىر كاسىپكەرلەرى 11 كوپ بالالى وتباسىنى تۇرعىن ۇيمەن قامتاماسىز ەتتى. قازىعۇرت اۋدانىنىڭ كاسىپكەرى س. ەرتاەۆ كوپ بالالى ەرجانوۆتار وتباسىنا ءۇي ساتىپ الىپ بەردى جانە تۇركيادا ناۋقاس بالانىڭ وتباسىنا وپەراتسيا جاساۋعا 4 ملن تەڭگە ءبولدى.
جۇمىس توبىنىڭ مۇشەلەرى دەنساۋلىق ساقتاۋ, ءبىلىم بەرۋ سالاسىنىڭ قىزمەتكەرلەرىمەن بىرقاتار كەزدەسۋلەر وتكىزدى, ازاماتتاردى قابىلدادى, سونداي-اق الەۋمەتتىك نىساندار مەن قۇرىلىس الاڭدارىنا باردى. ءبىلىم جانە عىلىم ءمينيسترى ك. ءشامشيدينوۆا كەنتاۋ قالاسىندا بولدى, دەنساۋلىق ساقتاۋ ۆيتسە-ءمينيسترى ل. اقتاەۆا مەن قۇرىلىس جانە تۇرعىن-كوممۋنالدىق شارۋاشىلىق ىستەرى كوميتەتىنىڭ توراعاسى م. جايىمبەتوۆ تۇركىستان قالاسىندا بولدى.
جۇمىس توبىنىڭ قۇرامىنا ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ, ءبىلىم جانە عىلىم ءمينيسترى ك. ءشامشيدينوۆا, دەنساۋلىق ساقتاۋ ۆيتسە-ءمينيسترى ل. اقتاەۆا, قۇرىلىس جانە تۇرعىن-كوممۋنالدىق شارۋاشىلىق ىستەرى كوميتەتىنىڭ توراعاسى م. جايىمبەتوۆ كىردى.
