ۇيىم شەڭبەرىندەگى ىنتىماقتاستىق
سەنبى, 5 مامىر 2012 7:29
سوت رەفورماسىن تەرەڭدەتۋ قازاقستان رەسپۋبليكاسىنىڭ مەملەكەتتىك ساياساتىنداعى باسىم ءمىندەتتەر قاتارىنا كىرەدى. بۇل تۋرالى شىۇ-عا مۇشە مەملەكەتتەر جوعارعى سوتتارى توراعالارىنىڭ جەتىنشى كەڭەسىندە قازاقستان رەسپۋبليكاسى جوعارعى سوتىنىڭ توراعاسى بەكتاس بەكنازاروۆ ايتتى.
سەنبى, 5 مامىر 2012 7:29
سوت رەفورماسىن تەرەڭدەتۋ قازاقستان رەسپۋبليكاسىنىڭ مەملەكەتتىك ساياساتىنداعى باسىم ءمىندەتتەر قاتارىنا كىرەدى. بۇل تۋرالى شىۇ-عا مۇشە مەملەكەتتەر جوعارعى سوتتارى توراعالارىنىڭ جەتىنشى كەڭەسىندە قازاقستان رەسپۋبليكاسى جوعارعى سوتىنىڭ توراعاسى بەكتاس بەكنازاروۆ ايتتى.
بيىلعى جىلى كەڭەس قىتاي حالىق رەسپۋبليكاسىنىڭ استاناسى – بەيجىڭ قالاسىندا قىتاي جاعىنىڭ توراعالىعىمەن ءوتتى. كەڭەستىڭ جۇمىسىنا قازاقستان رەسپۋبليكاسى جوعارعى سوتىنىڭ توراعاسى بەكتاس بەكنازاروۆ, قحر جوعارعى حالىقتىق سوتىنىڭ ءتوراعاسى ۆان شەنتسزيۋن, قىرعىزستان جوعارعى سوتى توراعاسىنىڭ مىندەتىن اتقارۋشى فەرۋزا جاماشەۆا, رەسەي جوعارعى سوتىنىڭ توراعاسى ۆياچەسلاۆ لەبەدەۆ, تاجىكستان جوعارعى سوتىنىڭ توراعاسى نۋرسراتۋللو ابدۋللوەۆ, وزبەكستان جوعارعى سوتىنىڭ توراعاسى بۋريتوش مۋستافاەۆ, شىۇ باس حاتشىسىنىڭ ورىنباسارى پارۆيز دودوۆ قاتىستى.
ب.بەكنازاروۆ باسقارعان قازاقستان دەلەگاتسياسىنىڭ قۇرامىندا جوعارعى سوت جانىنداعى سوتتاردىڭ قىزمەتىن قامتاماسىز ەتۋ جونىندەگى دەپارتامەنت باسشىسى باۋىرجان جۇماعۇلوۆ, جوعارعى سوت سۋدياسى مورياك شەگەنوۆ جانە جامبىل وبلىستىق سوتىنىڭ توراعاسى مارعۇلان بەكتۇرعانوۆ بولدى.
شىۇ-عا مۇشە مەملەكەتتەر جوعارعى سوتتارىنىڭ باسشىلارى دوستىق جانە سىندارلى احۋال جاعدايىندا كوپتەگەن ماسەلەلەردى قاراستىرىپ, شىۇ ەلدەرىندە سوت رەفورماسىن تەرەڭدەتۋ, قىلمىستىق ءىس جۇرگىزۋدەگى وكىلدىكتى ءبولىسۋ جانە سوتتار مەن بۇقارالىق اقپارات قۇرالدارى اراسىنداعى ءوزارا قارىم-قاتىناس ماسەلەلەرىن تالقىلادى.
«11 جىل ىشىندە الەمدىك جانە وڭىرلىك ۇدەرىستەردە شانحاي ىنتىماقتاستىق ۇيىمى دا ءوزىنىڭ ماڭىزدى تاريحي ءرولىن نىعايتا ءتۇستى. ءوزارا سەنىمدى, ىنتىماقتى, بىرلىكتى, ءتۇرلى مادەنيەتتەردىڭ ءوزارا تۇسىنىستىگىن جانە بىرلەسە وتىرىپ وركەندەۋ ۇردىسىنە ۇمتىلىستى پاش ەتكەن شىۇ بارلىق ەلدەر مەن حالىقتاردىڭ ءوزارا تەڭ قۇقىقتىق جانە ورتاق پايدالى ارىپتەستىك الاڭىنا اينالدى. ءوزىنىڭ قازىرگى ستراتەگيالىق مىندەتتەرى ارقىلى شىۇ, اسىرەسە, قۇقىقتىق ىنتىماقتاستىقتى بارىنشا دامىتىپ كەلەدى. سوندىقتان, ىنتىماقتاستىققا مۇشە ەلدەردىڭ سوت جۇيەلەرى, ءسوز جوق, ماڭىزدى ءرول اتقارىپ وتىر», – دەدى ب.بەكنازاروۆ.
تالقىلاۋعا ارنالعان تاقىرىپتاردىڭ وزەكتىلىگىن ەرەكشە ايتا كەلىپ, بەكتاس بەكنازاروۆ سوت رەفورماسىن تەرەڭدەتۋ قازاقستان رەسپۋبليكاسىنىڭ مەملەكەتتىك ساياساتىنداعى ماڭىزدى مىندەتتەر قاتارىنا جاتاتىندىعىن اتاپ ءوتتى. قازاقستان رەسپۋبليكاسى پرەزيدەنتىنىڭ باستاماسىمەن باستالعان سوت قۇقىقتىق-رەفورما ءبىزدىڭ ەلىمىزدە 1994 جىلدان باستاپ ويداعىداي جۇرگىزىلىپ كەلە جاتقانىن ايتتى.
جامبىل وبلىستىق سوتىنىڭ توراعاسى م.بەكتۇرعانوۆ ءوز بايانداماسىندا قىلمىستىق ءىس جۇرگىزۋ ۇدەرىسىنىڭ زاڭدى كەپىلى رەتىندە سوتتىق باقىلاۋ جايىندا ايتتى.
وتىرىستىڭ قورىتىندىلارى بويىنشا, شانحاي ىنتىماقتاستىق ۇيىمىنا قاتىسۋشى مەملەكەتتەر جوعارعى سوتتارىنىڭ باسشىلارى بىرلەسكەن مالىمدەمە قابىلدادى.
«ەگەمەن-اقپارات».
