كولىك پوليتسەيلەرى دايىن
سارسەنبى, 2 مامىر 2012 7:31
ەلباسىنىڭ ۇستىمىزدەگى جىلعى 27 قاڭتارداعى قازاقستان حالقىنا ارناعان جولداۋىندا اتاپ وتىلگەندەي, رەسپۋبليكامىزدىڭ قۇقىق قورعاۋ ورگاندارىنىڭ قىزمەتكەرلەرى كەزەكتەن تىس اتتەستاتتاۋدان وتكىزىلمەك. ولاردىڭ قاتارىندا كولىكتەگى ىشكى ىستەر دەپارتامەنتىنىڭ جەكە قۇرامى دا بار.
ەلباسىنىڭ ۇستىمىزدەگى جىلعى 27 قاڭتارداعى قازاقستان حالقىنا ارناعان جولداۋىندا اتاپ وتىلگەندەي, رەسپۋبليكامىزدىڭ قۇقىق قورعاۋ ورگاندارىنىڭ قىزمەتكەرلەرى كەزەكتەن تىس اتتەستاتتاۋدان وتكىزىلمەك. ولاردىڭ قاتارىندا كولىكتەگى ىشكى ىستەر دەپارتامەنتىنىڭ جەكە قۇرامى دا بار.
ەلباسىنىڭ قۇقىق قورعاۋ ورگاندارىنىڭ قىزمەتكەرلەرىن اتتەستاتتاۋ تۋرالى شەشىمى قولداۋعا تۇرارلىق. بۇل شارا قۇقىق قورعاۋ ورگاندارىنىڭ قاتارىن ساپالى كادرلىق جاڭارتۋدان ءوتكىزۋگە, وسى ارقىلى پوليتسياعا كەزدەيسوق كەلگەن ادامداردى انىقتاۋعا زور مۇمكىندىك بەرەدى. بۇل ءوز كەزەگىندە پوليتسيا جۇمىسى ساپاسىنىڭ ارتا ءتۇسىپ, قىلمىستارعا قارسى كۇرەستە بەلگىلى ءبىر ناتيجەلەرگە قول جەتكىزە الاتىندىعىنا كەپىلدىك بولماق. ەلباسىنىڭ قۇقىق قورعاۋ ورگاندارىن كەزەكتەن تىس اتتەستاتتاۋدان ءوتكىزۋ تاپسىرماسىن جۇزەگە اسىرۋ ءۇشىن ءىىم كولىكتەگى ىشكى ىستەر دەپارتامەنتى قىزۋ دايىندىق شارالارىن جۇزەگە اسىرۋدا. كەستە بويىنشا دەپارتامەنت باسشىلىعى اتتەستاتتاۋدان ىشكى ىستەر مينيسترلىگىندە, دەپارتامەنتتىڭ جەكە قۇرامى تىكەلەي ءوزى قىزمەت اتقاراتىن مەكەمەدە وتەدى. ال جەرگىلىكتى جەرلەردەگى باسقارمالار مەن دەربەس بولىمدەردىڭ جەكە قۇرامىن تەكسەرۋدى دەپارتامەنت قىزمەتكەرلەرىنەن قۇرالعان ارنايى توپ وكىلدەرى تەكسەرەدى.
كولىكتەگى ىشكى ىستەر دەپارتامەنتى كادر جۇمىسى باسقارماسى باستىعى, پوليتسيا پولكوۆنيگى جانات سۇلەيمەنوۆتىڭ ايتۋىنشا, اتتەستاتتاۋدان كولىكتەگى ىشكى ىستەر دەپارتامەنتىنىڭ 3000-عا جۋىق جەكە قۇرامى تولىقتاي وتەدى. اتتەستاتتاۋدان تەك ەكىقابات ايەلدەر, بالا كۇتىمىندە وتىرعاندار, اۋىر اۋرۋ تۇرىمەن ناۋقاستانىپ ەمدەلىپ جۇرگەندەر وتكىزىلمەيدى. سونىمەن قاتار, قىزمەت وتكەرۋ جاسى كەلىپ قالعان, زەينەتكەرلىك جاسقا جەتكەندەردىڭ اتتەستاتتاۋ الدىندا ءوتىنىش جازىپ, ىشكى ىستەر ورگاندارى ساپىنان شىعۋلارىنا بولادى. قىزمەتتە قالامىن دەگەن وسى ساناتتاعى قىزمەتكەرلەر اتتەستاتتاۋدان وتكىزىلەدى.
اتتەستاتتاۋ شاراسى 10 مامىر كۇنى باستالادى. وسى كۇندەرى كولىكتەگى ىشكى ىستەر دەپارتامەنتى باستىعى مەن ونىڭ ورىنباسارلارى جوعارى اتتەستاتتاۋ كوميسسياسىندا اتتەستاتتاۋدان وتكىزىلەدى. ودان كەيىنگى كەزەكتە كولىكتەگى ىشكى ىستەر دەپارتامەنتىنىڭ ورتالىق اپپاراتى, ولاردان سوڭ وبلىستارداعى ىشكى ىستەر جەلىلىك باسقارمالارى, بولىمدەرى مەن بولىمشەلەرى كەزەكتەن تىس اتتەستاتتاۋدان وتكىزىلمەك.
قازىرگى كۇنى كولىكتەگى ىشكى ىستەر دەپارتامەنتىنىڭ جەكە قۇرامى اتتەستاتتاۋعا دايىندىق شارالارىن جۇرگىزىپ جاتىر. تاراتىپ ايتار بولساق, كىىد كادر جۇمىسى باسقارماسى تاراپىنان تومەندەگى شارالار جۇزەگە اسىرىلدى. بارلىق بولىمشەلەرگە تانىسۋ ءۇشىن پرەزيدەنتتىڭ 2012 جىلعى 28 ساۋىردەگى «قازاقستان رەسپۋبليكاسى قۇقىق قورعاۋ ورگاندارى قىزمەتكەرلەرىن كەزەكتەن تىس اتتەستاتتاۋدان وتكىزۋ تۋرالى» جارلىعىنىڭ كوشىرمەسى ءجىبەرىلدى, قىزمەتتىك جانە جاۋىنگەرلىك دايارلىق ساباقتارىندا جەكە قۇرام كەزەكتەن تىس اتتەستاتتاۋ وتكىزۋ ەرەجەلەرىمەن تانىستىرىلدى, جەكە قۇرام قىزمەتتىك اتىس قارۋىنان اتۋ جانە دەنە شىنىقتىرۋ ساباقتارىندا ۇزبەي دايارلىق جاساۋدا. دەپارتامەنتتە تەستىلەۋدەن وتكىزۋ ءۇشىن ارنايى كومپيۋتەر سىنىپتارى جابدىقتالۋدا.
دانيەل شايىنعازين,
ءىىم كولىكتەگى ءىىد ءباسپاسوز قىزمەتىنىڭ ينسپەكتورى.
