العاشقى ماتچتىڭ قاھارمانى رەتىندە «قازاق» دەگەن بۇركەنشىك ەسىمدى يەمدەنگەن «ليۆەرپۋلدىڭ» ساپىنداعى 27 جاستاعى برازيليالىق شابۋىلشى روبەرتو فيرمينونى اتاۋعا بولادى. كەزدەسۋدىڭ 5-مينۋتىندا ءدال سول ويىنشىنىڭ پاسىنان كەيىن نابي كەيتا پورتۋگاليالىقتاردىڭ قاقپاسىنا گول سوقسا, 26-مينۋتتا روبەرتو فيرمينونىڭ ءوز نىسانانى ءدال كوزدەدى – 2:0. ودان كەيىن ەسەپ وزگەرگەن جوق.
انگليانىڭ قوس كلۋبى – «توتتەنحەم» مەن «مانچەستەر سيتي» اراسىنداعى ماتچتىڭ 13-مينۋتىندا الاڭ يەلەرىنىڭ قاقپاسىنا 11 مەترلىك ايىپ دوبى بەلگىلەندى. الايدا سەرحيو اگۋەرونىڭ تەپكەن دوبىن ۋگو لوريس كەرى قايتاردى. سودان كەيىن ايتۋلى كوماندالار الما-كەزەك شابۋىلداعانىمەن, ۇزاققا دەيىن ءبىر-ءبىرىنىڭ قاقپا كىلتىن تابا المادى. ال 78-مينۋتتا «توتتەنحەمنىڭ» ساپىنداعى وڭتۇستىك كورەيانىڭ وعلانى سون حىن ءميننىڭ سوققان گولى باسەكە تاعدىرىن شەشتى.
بۇگىن تۇندە تاعى ەكى جارتىلاي فينالدىق باسەكەنى تاماشالايمىز. بۇل كەزدەسۋلەردە «مانچەستەر يۋنايتەد» (انگليا) پەن «بارسەلونا» (يسپانيا) جانە «اياكس» (گوللانديا) پەن «يۋۆەنتۋس» (يتاليا) شەبەرلىك بايقاسادى. ال وسى ءتورت جۇپتىڭ اراسىنداعى قارىمتا كەزدەسۋلەر كەلەسى اپتادا وتەدى.
